കേരളത്തിൽ കനത്ത മഴ; മൂന്ന് വീടുകൾ തകർന്നു

കേരളത്തിൽ കനത്ത മഴ; മൂന്ന് വീടുകൾ തകർന്നു വീണു സംസ്ഥാനത്ത് കാലവർഷം ശക്തമായതോടെ വിവിധ ജില്ലകളിൽ മഴക്കെടുതി. ഇടുക്കിയിൽ ശക്തമായ മഴയിൽ മൂന്ന് വീടുകൾ ഭാഗികമായി തകർന്നു. ചിന്നക്കലാൽ സുബ്രഹ്മണ്യം കോളനിയിൽ 2 വീടുകളും മുരിക്കാശ്ശേരിയിൽ ഒരു വീടും തകർന്നു. മുരിക്കാശ്ശേരിയിൽ വീടിന്റെ ഭിത്തി തകർന്ന് 3 പേർക്ക് പരിക്കേറ്റു. അതേസമയം കോതമംഗലം കുട്ടൻപുഴ മേഖലയിലെ മണികണ്ഠൻ ചാൽ വെള്ളത്തിനടിയിലായി. 60ലേറെ കുടുംബങ്ങൾ ഒറ്റപ്പെട്ടു.