മണിയംകുന്ന് :- ദീർഘകാലത്തെ കുടിവെള്ളക്ഷാമത്തിന് പരിഹാരമായി കുഴൽ കിണർ പ്രവർത്തന ക്ഷമമായി.വേനൽക്കാലമായാൽ ഈ മേഖലയിൽ അനുഭവപ്പെടുന്ന ജലക്ഷാമത്തിൻ്റെ രൂക്ഷത മനസ്സിലാക്കി ശാശ്വത പരിഹാരം കാണാമെന്ന വാഗ്ദാന പ്രകാരം എം.എൽ.എ സർവീസ് ആർമി – പൂഞ്ഞാറുമായി സഹകരിച്ച് നിർമ്മാണം പൂർത്തിയാക്കിയ കുഴൽ കിണറിന്റെ സ്വിച്ച് ഓൺ കർമ്മം പൂഞ്ഞാർ എംഎൽഎ അഡ്വ.സെബാസ്റ്റ്യൻ കുളത്തുങ്കൽ നിർവഹിച്ചു.
ഒട്ടേറെ പ്രതിസന്ധികൾ ഉണ്ടായിരുന്നിട്ടും പൊതു ആവശ്യം കണക്കിലെടുത്ത് നിരവധി സുമനസ്സുകളുടെ സഹകരണത്തോടുകൂടി ഈ പദ്ധതി പൂർത്തീകരിക്കാൻ കഴിഞ്ഞതിൽ ഏറെ ചാരിതാർത്ഥ്യം ഉണ്ടെന്ന് അദ്ദേഹം പറഞ്ഞു.
സ്കൂൾ മാനേജർ റവ.ഫാ.ജോർജ് തെരുവിൽ യോഗത്തിന് അധ്യക്ഷത വഹിച്ചു. നാടിന്റെ സുസ്ഥിര വികസനത്തിനും,വിദ്യാഭ്യാസ മേഖലയിലെ നൂതന സംരംഭങ്ങൾ വഴി ലക്ഷ്യം വയ്ക്കുന്ന ദീർഘവീക്ഷണ പ്രവർത്തനങ്ങൾ ശ്ലാഘനീയമാണെന്നും , ഒപ്പം നടപ്പിലാക്കി വരുന്ന പദ്ധതികളുടെ വിജയത്തിന് പ്രാർത്ഥനാശംസകൾ നേരുകയും ചെയ്തു.
കേരളപ്പിറവിയോടനുബന്ധിച്ച് കുട്ടികൾ തയ്യാറാക്കിയ മയിൽപ്പീലി എന്ന പതിപ്പ് പ്രസ്തുത പരിപാടിയിൽ പ്രകാശനം ചെയ്തു.
ഹെഡ്മിസ്ഡ്രസ് സിസ്റ്റർ റ്റീന ജോസ്, പൂഞ്ഞാർ ഗ്രാമപഞ്ചായത്ത് വൈസ് പ്രസിഡന്റ് ശ്രീ.തോമസ് കുട്ടി കരിയാപുരയിടം,പദ്ധതി കോ- ഓർഡിനേറ്റർ ശ്രീ.അലൻ, പി.റ്റി.എ പ്രസിഡൻറ് ശ്രീ.ജോയി ഫിലിപ്പ്,പി.റ്റി.എ എക്സിക്യൂട്ടീവ് അംഗങ്ങൾ എന്നിവർ സന്നിഹിതരായിരുന്നു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/DX6BuBLs9Yg85MLxY1e0gg
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
