മാഹിയില്‍ സഹപാഠി എറിഞ്ഞ നാല് കിലോ ഭാരമുള്ള ഷോട്ട്പുട്ട് തലയില്‍ പതിച്ച് വിദ്യാര്‍ത്ഥിയ്ക്ക് പരിക്ക്; ഗുരുതര പരിക്കേറ്റ 14കാരന്‍ തീവ്രപരിചരണവിഭാഗത്തില്‍ ചികിത്സയില്‍

കണ്ണൂര്‍: മാഹിയില്‍ കായികമേള ഒരുക്കത്തിനിടെ സഹപാഠി എറിഞ്ഞ ഷോട്ട് പുട്ട് തലയില്‍ പതിച്ച് 14കാരന് ഗുരുതര പരിക്ക്.പള്ളൂര്‍ കസ്തൂര്‍ബാ ഗാന്ധി ഹൈസ്‌കൂളിലെ ഒമ്പതാം ക്ലാസ് വിദ്യാര്‍ഥിയായ വെസ്റ്റ് പള്ളൂര്‍ തയ്യുള്ളപറമ്പത്ത് സൂര്യോദയത്തിലെ കനകരാജിന്റെ മകന്‍ സൂര്യകിരണി(14)നാണ് പരിക്കേറ്റത്. കായികമേളയില്‍ ഷോട്ട്പുട്ട് മത്സരത്തില്‍ പങ്കെടുപ്പിക്കാനുള്ള വിദ്യാര്‍ഥികളുടെ കഴിവ് പരിശോധിച്ച് തെരഞ്ഞെടുപ്പ് പൂര്‍ത്തിയാക്കുകയായിരുന്നു. കുട്ടി തീവ്രപരിചരണ വിഭാഗത്തില്‍ ചികിത്സയിലാണ്.