എം.ജി. യൂണിവേഴ്സിറ്റി വോളീബോൾ കിരീടം പാല അൽഫോൻസാ കോളേജിന്
പാല: അരുവിത്തുറ സെൻ്റ് ജോർജ്ജ് കോളേജിൽ വെച്ച് നടന്ന മഹാത്മാഗാന്ധി യൂണിവേഴ്സിറ്റി വനിതാ വിഭാഗം വോളീബോൾ ചാമ്പ്യൻഷിപ്പിൽ പാല അൽഫോൻസാ കോളേജ് ടീം ജേതാക്കളായി. കോട്ടയം സ്പോർട്സ് കൗൺസിലിൻ്റെ (KSSC) സഹകരണത്തോടെ പരിശീലനം ലഭിച്ച ടീമാണ് ഈ ഉജ്ജ്വല വിജയം സ്വന്തമാക്കിയത്.
കിരീട നേട്ടത്തിനു ശേഷം പാല അൽഫോൻസാ കോളേജ് വോളീബോൾ ടീം പ്രിൻസിപ്പൽ, വൈസ് പ്രിൻസിപ്പൽമാർ, മറ്റ് ഭാരവാഹികൾ എന്നിവരോടൊപ്പം വിജയം പങ്കിട്ടു.
വിജയികളെ അഭിനന്ദിക്കാൻ പ്രിൻസിപ്പൽ പ്രൊഫസർ ഡോ. സിസ്റ്റർ മിനിമോൾ മാത്യു, വൈസ് പ്രിൻസിപ്പൽമാരായ ഡോ. സിസ്റ്റർ മഞ്ജു എലിസബത്ത് കുരുവിള, മിസ്. മഞ്ജു ജോസ്, ബർസാർ ഫാദർ കുര്യാക്കോസ് വെള്ളാച്ചാലിൽ, റവ. ഡോ. ജോബിൻ സെബാസ്റ്റ്യൻ എന്നിവർ ഒത്തുചേർന്നു.
വോളീബോൾ കോച്ച് സിജു ജോസഫ് (KSSC), ഫിസിക്കൽ എഡ്യുക്കേഷൻ അസിസ്റ്റൻ്റ് പ്രൊഫസർ ഡോ. സിനി തോമസ് എന്നിവരുടെ മികച്ച പരിശീലനമാണ് ടീമിൻ്റെ ഈ വിജയത്തിന് പിന്നിൽ. യൂണിവേഴ്സിറ്റി തലത്തിൽ കോളേജ് നേടിയ ഈ നേട്ടം ക്യാമ്പസിന് അഭിമാനമായി.
