ഏഷ്യയിലെ ഏറ്റവും വലിയ മോസ്കിൽ എത്താൻ സാധിച്ചതിലുള്ള സന്തോഷം പ്രകടിപ്പിച്ചും, തനിക്ക് വലിയ ഇമാം നൽകിയ സ്വാഗതത്തിന് നന്ദി പറഞ്ഞുമാണ് ഫ്രാൻസിസ് പാപ്പാ തന്റെ പ്രഭാഷണം ആരംഭിച്ചത്. മാനവികതയ്ക്കായുള്ള വലിയൊരു ഭവനമാണ് ഈ പ്രാർത്ഥനയുടെ ഇടമെന്ന് വിശേഷിപ്പിച്ച പാപ്പാ, ഇവിടെ ഓരോരുത്തർക്കും തങ്ങളുടെ ഉള്ളിലുള്ള നിത്യതയുമായുള്ള ബന്ധത്തിന് പ്രാധാന്യം കൊടുക്കാനും, ദിവ്യതയുമായുള്ള കണ്ടുമുട്ടലിനായി പരിശ്രമിക്കാനും, മറ്റുള്ളവരുമായുള്ള സൗഹൃദത്തിന്റെ സന്തോഷം ജീവിക്കാനുമാകുമെന്ന് പാപ്പാ ഓർമ്മിപ്പിച്ചു.
ഇന്തോനേഷ്യയിലെ ആളുകൾ, സംവാദങ്ങൾക്കും, പരസ്പരബഹുമാനത്തിനും, വിവിധ മതങ്ങളും, ആധ്യാത്മികചിന്തകളും ജീവിക്കുന്ന ആളുകൾക്കിടയിലുള്ള സഹവർത്തിത്വത്തിനും കൊടുക്കുന്ന പ്രാധാന്യത്തെ പാപ്പാ അഭിനന്ദിച്ചു. ഇസ്തിക്ലാൽ മോസ്കിന്റെ ശില്പിയായി പ്രവർത്തിച്ചത് ഫ്രഡറിച് സിലാബാൻ എന്ന ക്രൈസ്തവനായിരുന്നുവെന്ന് അനുസ്മരിച്ച പാപ്പാ, മതാനുഭവങ്ങൾ, സാഹോദര്യവും സമാധാനവും നിറഞ്ഞ ഒരു സമൂഹം കെട്ടിപ്പടുക്കുവാൻ നമ്മെ സഹായിക്കട്ടെയെന്ന് ആശംസിച്ചു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/E7UdXzZbCi1HWIDpHjZp9r
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
