കളമശ്ശേരി : മലങ്കര കാത്തലിക് അസോസിയേഷന്റെ നേതൃത്വത്തിൽ കളമശ്ശേരി സെന്റ് ജൂഡ് മലങ്കര കത്തോലിക്കാ പള്ളിയിൽ സംഘടിപ്പിച്ച ലഹരി വിരുദ്ധ ബോധവത്ക്കരണ കൺവൻഷൻ കെ.സി ബി സി മാധ്യമ കമ്മീഷൻ സെക്രട്ടറിയും ഇടവക വികാരിയുമായ റവ ഡോ. എബ്രഹാം ഇരി ബിനിക്കൽ ഉദ്ഘാടനം ചെയ്തു. അസോസിയേഷൻ പ്രസിഡന്റ് ജിനൻ ജോർജ് അധ്യക്ഷത വഹിച്ചു. “ലഹരിയുടെ ചതിക്കുഴികൾ ” എന്ന വിഷയത്തിൽ കെ.സി ബി സി മദ്യ വിരുദ്ധ സമിതി സംസ്ഥാന വക്താവ് അഡ്വ ചാർളി പോൾ ക്ലാസ് നയിച്ചു. അനീഷ് പോൾ, സാലി ജേക്കബ്, ദിപു മാത്യു, മേരി കുര്യൻ എന്നിവർ പ്രസംഗിച്ചു .തുടർന്ന് സ്നേഹവിരുന്നും നടന്നു. ഫോട്ടോ: മലങ്കര കാത്തലിക് അസോസിയേഷൻ കളമശ്ശേരി സെന്റ് ജൂഡ് മലങ്കര കത്തോലിക്കാ പള്ളിയിൽ സംഘടിപ്പിച്ച ലഹരി വിരുദ്ധ ബോധവത്ക്കരണ കൺവൻഷൻ കെ.സി.ബി സി മീഡിയാ കമ്മീഷൻ സെക്രട്ടറി റവ.ഡോ. എബ്രഹാം ഇരി ബിനിക്കൽ ഉദ്ഘാടനം ചെയ്യുന്നു. അഡ്വ. ചാർളി പോൾ , അനീഷ് പോൾ , ജിനൻ ജോർജ് എന്നിവർ സമീപം
