അതിരമ്പുഴ: കൊല്ലപ്പള്ളിൽ – മാതിരമ്പുഴ കുടുംബയോഗത്തിന്റെ 37-ാമത് വാർഷിക സമ്മേളനം ജനുവരി 11 ഞായറാഴ്ച നടക്കും. അതിരമ്പുഴയിലുള്ള ഷെജി ജോർജ് കൊല്ലപ്പള്ളിയുടെ വസതിയിൽ ഉച്ചകഴിഞ്ഞ് 3.30-നാണ് സമ്മേളനം നിശ്ചയിച്ചിരിക്കുന്നത്.
കുടുംബയോഗം പ്രസിഡന്റ് സാബു തോമസ് മാതിരമ്പുഴയുടെ അധ്യക്ഷതയിൽ ചേരുന്ന യോഗം ഫാ. ജോർജ് നെല്ലിക്കുന്നു ചെരിവുപുരയിടം ഉദ്ഘാടനം ചെയ്യും.
കുടുംബത്തിലെ മുതിർന്നവരെയും പ്രതിഭകളെയും ആദരിക്കുന്ന ചടങ്ങാണ് ഈ വർഷത്തെ പ്രധാന ആകർഷണം. വിവിധ പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികൾ, 80 വയസ്സ് തികഞ്ഞ മുതിർന്ന കുടുംബാംഗങ്ങൾ, വിവാഹത്തിന്റെ 25, 50 വർഷങ്ങൾ (സിൽവർ – ഗോൾഡൻ ജൂബിലി) പിന്നിട്ട ദമ്പതികൾ എന്നിവരെ സമ്മേളനത്തിൽ ആദരിക്കും.
ഔദ്യോഗിക ചടങ്ങുകൾക്ക് ശേഷം കുടുംബാംഗങ്ങളുടെ ഐക്യം വിളംബരം ചെയ്യുന്ന വിവിധ കലാകായിക മത്സരങ്ങളും സ്നേഹവിരുന്നും ഉണ്ടായിരിക്കുമെന്ന് ഭാരവാഹികൾ അറിയിച്ചു.
