സന്തോഷ് ട്രോഫിയിൽ വിജയം തുടർന്ന് കേരളം

സന്തോഷ് ട്രോഫിയിൽ തുടർച്ചയായ നാലാം ജയം സ്വന്തമാക്കി കേരളം. ജമ്മു കാശ്മീരിനെ മറുപടിയില്ലാത്ത 3 ഗോളുകൾക്കാണ് കേരളം തകർത്തത്. രണ്ടാം പകുതിയിലാണ് 3 ഗോളുകളും പിറന്നത്. വിഗ്നേഷ്, റിസ്വാൻ അലി, നിജോ ഗിൽബേർട്ട് എന്നിവരാണ് കേരളത്തിനായി സ്കോർ ചെയ്തത്. വിജയത്തോടെ കേരളം ഫൈനൽ റൗണ്ടിലേക്കുള്ള യോഗ്യത ഏതാണ്ട് ഉറപ്പിച്ചിരിക്കുകയാണ്. 4 മത്സരങ്ങൾ കഴിഞ്ഞപ്പോൾ കേരളം 12 പോയിന്റുമായി ഒന്നാമതെത്തി.