കെ.സി.ബി.സി.മദ്യവിരുദ്ധസമിതി 24-ാമത് വാർഷികം രജതജൂബിലി വർഷ ഉദ്ഘാടനം മാർച്ച് 25ന് കലൂരിൽ വി.എം.സുധീരൻ ഉദ്ഘാടനം ചെയ്യും
കൊച്ചി: കെ.സി.ബി.സിമദ്യവിരുദ്ധസമിതി എറണാകുളം – അങ്കമാലി അതിരൂപത യുടെ 24-ാമത് വാർഷികവും രജതജൂബിലി വർഷ ഉദ്ഘാടനവും മാർച്ച് 25ന് ശനിയാഴ്ച രാവിലെ 11ന് കലൂർ റിന്യൂവൽ സെന്ററിൽ കേരള നിയമസഭാ മുൻ സ്പീക്കർ വി.എം.സുധീരൻ നിർവഹിക്കും.
രാവിലെ 10 മുതൽ 11 വരെ “ലഹരിയാസക്തിയും വിമുക്തിയും” എന്ന വിഷയത്തിൽ അഡിക്ഷൻ കൗൺസിലർ ഷിബിൻ ഷാജി വർഗ്ഗീസ് സെമിനാർ നയിക്കും. രാവിലെ 11-ന് ചേരുന്ന ഉദ്ഘാടന സമ്മേളനത്തിൽ അതിരൂപതാ പ്രസിഡന്റും സംസ്ഥാന വക്താവുമായ അഡ്വ. ചാർളി പോൾ അദ്ധ്യക്ഷത വഹിക്കും. അതിരൂപതാ വികാരി ജനറാൾ റൈറ്റ് റവ.ഡോ.മോൺ ആന്റണി പെരുമായന്റെ മുഖ്യസന്ദേശം നൽകും. അതിരൂപതാ ഡയറക്ടർ ഫാ.ടോണി കോട്ടയ്ക്കൽ, ജനറൽ സെക്രട്ടറി ഷൈബി പാപ്പച്ചൻ, കെ.എ.പൗലോസ്, ജോൺസൺ പാട്ടത്തിൽ, എം.പി.ജോസി. തുടങ്ങിയവർ പ്രസംഗിക്കും.
മികച്ച മദ്യവിരുദ്ധ പ്രവർത്തകനായി തെരഞ്ഞെടുക്കപ്പെട്ട ജോണി പിടിയത്ത് (ഉദയംപേരൂർ), ലഹരി വിരുദ്ധ സേനാനികളായ ഷൈബി പാപ്പച്ചൻ, (മഞ്ഞ), തോമസ് മറ്റപ്പിള്ളി (കാലടി), ജോസ് പടയാട്ടി (അങ്കമാലി) എം.ഡി.ലോനപ്പൻ (നടുത്തുരുത്ത്), കെ.വി.ഷാ (പുല്ലുവഴി) എന്നിവർക്ക് അവാർഡുകൾ നൽകും. മുൻ ഡയറക്ടർമാരായ ഫാ.പോൾ കാരാച്ചിറ, ഫാ. ജോൺ ഐനിയാടൻ, ഫാ.പോൾ ചുള്ളി, ഫാ.തോമസ് മങ്ങാട്ട് എന്നിവരെ ആദരിക്കും. രജതജൂബിലി വർഷ പരിപാടികളുടെ കർമ്മപദ്ധതി യോഗത്തിൽ അവതിപ്പിക്കും.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
