ഈശോയുടെ പിറവിയുടെ 2025 -ാം വർഷ ജൂബിലിയുടെ ഭാഗമായ ജൂബിലി കവാടം – പ്രത്യാശയുടെ വാതിൽ -2025 നവംബർ 30 ഞായറാഴ്ച വൈകുന്നേരം 5 മണിക്ക് അൽഫോൻസാ ഷ്റൈനിൽ പാലാ രൂപതാധ്യക്ഷൻ മാർ ജോസഫ് കലറങ്ങാട്ട് തുറക്കുന്നു.
കവാടം തുറക്കുന്ന പ്രാർത്ഥനയിൽ ബിഷപ്പ് എമിരിറ്റസ് മാർ ജോസഫ് പള്ളിക്കാപറമ്പിൽ, രൂപതയുടെ മുഖ്യ വികാരി ജനറാൾ മോൺ.ജോസഫ് തടത്തിലും, ഫൊറോനാ വികാരി വെരി. റവ ഫാ.സക്കറിയാസ് ആട്ടപ്പാട്ടും , മറ്റ് വൈദിക ശ്രേഷ്ഠരും , സമർപ്പിതരും, അല്മായ പ്രമുഖരും പങ്കെടുക്കുന്നതാണ്.തുടർന്ന് ഡിസംബർ 1 മുതൽ 2026 ജനുവരി 6 ാം തീയതി വരെ വിവിധ വിഭാഗങ്ങൾക്ക് വേണ്ടിയുള്ള ജൂബിലി ആഘോഷങ്ങൾ നടക്കുന്നതാണ്.ജൂബിലി പ്രമാണിച്ച് 2025 ഡിസംബർ 1 മുതൽ 2026 ജനുവരി 6 വരെ എല്ലാ ദിവസവും അൽഫോൻസാ ഷ്റൈൻ 24 മണിക്കൂറും തീർത്ഥാടകർക്കായി തുറന്നിട്ടിരിക്കുന്നതാണ്.ജൂബിലിയുടെ ഭാഗമായ പ്രത്യാശയുടെ കവാടത്തിലൂടെ പ്രവേശിക്കുന്നവർക്ക് പൂർണ്ണ ദണ്ഡവിമോചനം ലഭിക്കുന്നതാണ്.
