ഇനി നാടകക്കാലം; അന്തർദേശീയ നാടകോത്സവത്തിന് തിരശീല ഉയരുന്നു

അന്തർദേശീയ നാടകോത്സവത്തിന് ഞായറാഴ്ച തൃശൂരിൽ തുടക്കമാകും. ‘ഒന്നിക്കണം മാനവികത’ എന്നാണ് ഇറ്റ്ഫോക്ക് പതിമൂന്നാം ആപ്തവാക്യം. പതിനാല് വിദേശനാടകങ്ങളും പതിനെട്ട് ഇന്ത്യൻ നാടകങ്ങളുമാണ് ഇറ്റ്ഫോക്കിൽ അരങ്ങിലെത്തും. ഞായറാഴ്ച വൈകീട്ട് അഞ്ചരയ്ക്ക് മുഖ്യമന്ത്രി പിണറായി വിജയൻ അന്തർദേശീയ നാടകോത്സവം ഉദ്ഘാടനം ചെയ്യും. ചടങ്ങിൽ നടൻ പ്രകാശ് രാജ് മുഖ്യാതിഥിയായി പങ്കെടുക്കും. ഈ മാസം 14 വരെയാണ് പരിപാടി.