സ്കൂളുകളിലും ആശുപത്രികളിലും ഉള്പ്പെടെ ബലഹീനമായതും പൊളിച്ചുമാറ്റേണ്ടതുമായ കെട്ടിടങ്ങള് ഉണ്ടെങ്കില് അവയുടെ വിവരം രണ്ടാഴ്ചയ്ക്കകം നൽകണമെന്ന് മുഖ്യമന്ത്രി പിണറായി വിജയൻ ദുരന്ത നിവാരണ വകുപ്പിനോട് നിർദ്ദേശിച്ചു.സ്കൂളുകളിലെ സുരക്ഷയുമായി ബന്ധപ്പെട്ട് ചേർന്ന ഉന്നതതല
യോഗത്തിലാണ് മുഖ്യമന്ത്രിയുടെ നിർദേശം. പൊളിച്ചു മാറ്റേണ്ടവ, അറ്റകുറ്റപ്പണി വേണ്ടവ എന്നിവ വേർതിരിച്ച് നൽകണം. അവധി ദിവസങ്ങള്ക്ക് മുന്ഗണന നല്കി വേണം സ്കൂള് കെട്ടിടങ്ങള് പൊളിക്കാന്. പൊളിച്ചുമാറ്റിയ സ്കൂള് കെടിടങ്ങള് പണിയും വരെ ക്ലാസുകള് നടത്താന് തദ്ദേശ
സ്വയംഭരണ സ്ഥാപനങ്ങളും പിടിഎയും വിദ്യാഭ്യാസ വകുപ്പും പകരം സംവിധാനം കണ്ടെത്തണം. അണ് എയ്ഡഡ് സ്കൂള് കെട്ടിടങ്ങളുടെയും സുരക്ഷാ പരിശോധന ഇതോടൊപ്പം നടത്താന് മുഖ്യമന്ത്രി നിര്ദേശിച്ചു.
