ഹോക്കി ലോകകപ്പിന് ഇന്ന് തുടക്കം

15-ാമത് ലോകകപ്പ് ഹോക്കി മത്സരത്തിന് ഇന്ന് ഒഡീഷയിൽ തുടക്കം. ചാമ്പ്യൻമാരായ ബെൽജിയം അടക്കം 16 ടീമുകളാണ് അണിനിരക്കുന്നത്. ഇന്നുമുതൽ എല്ലാ ദിവസവും നാലു കളികളാണുള്ളത്. ഉച്ചയ്ക്ക് ഒരുമണിക്ക് അർജന്റീനയും ദക്ഷിണാഫ്രിക്കയും തമ്മിലാണ് ലോകകപ്പിലെ ആദ്യ പോരാട്ടം. 1975ൽ നേടിയ കിരീടം പതിറ്റാണ്ടുകൾക്കിപ്പുറം വീണ്ടും സ്വന്തമാക്കാമെന്ന പ്രതീക്ഷയിലാണ് ടീം ഇന്ത്യ.