തണുത്ത് വിറച്ച് ദില്ലി; ഓറഞ്ച് അലർട്ട് പ്രഖ്യാപിച്ചു

രാജ്യ തലസ്ഥാനത്ത് മൂന്ന് ദിവസം കൂടി അതിശൈത്യം തുടരുമെന്ന് മുന്നറിയിപ്പ്. ഈ സാഹചര്യം കണക്കിലെടുത്ത് ദില്ലിയിൽ ഓറഞ്ച് അലർട്ട് പ്രഖ്യാപിച്ചു. ജനുവരി 7 വരെ കൊടും ശൈത്യവും ശീതക്കാറ്റും തുടരുമെന്നാണ് കാലാവസ്ഥ വകുപ്പ് അറിയിക്കുന്നത്. താപനില ആറു ഡിഗ്രി മുതൽ നാലു ഡിഗ്രിയിൽ താഴെ വരെ ആയേക്കാമെന്നും മുന്നറിയിപ്പിൽ വ്യക്തമാക്കുന്നു. താപനില ഇന്ന് രാവിലെ 4.4 ഡിഗ്രി സെൽഷ്യസ് ആയി താഴ്ന്നു.