ഡിറ്റ് വാ ചുഴലിക്കാറ്റിന്റെ പ്രഭാവത്തില് തമിഴ്നാടിന്റെ തീരദേശ മേഖലകളില് ശക്തമായ മഴതുടരുന്നു. തമിഴ്നാട്ടിലെ ചെന്നൈ, തിരുവള്ളൂര് ജില്ലകളിലും ആന്ധ്രാപ്രദേശിലെ തിരുപ്പതി, നെല്ലൂര് ജില്ലകളിലും കേന്ദ്ര ജല കമ്മിഷന് പ്രളയമുന്നറിയിപ്പ് നല്കി.
ചെന്നൈ, തിരുവള്ളൂര്, കാഞ്ചീപുരം, ചെങ്കല്പേട്ട് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. ഈ നാല് ജില്ലകളിലെയും മുഴുവന് വിദ്യഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു. മഴയ്ക്കൊപ്പം തീരപ്രദേശങ്ങളില് ശക്തമായ കാറ്റും വീശുന്നുണ്ട്.
65 കിലോമീറ്റര് വരെ വേഗത്തില് കാറ്റുവീശുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മഴയില് ഇതുവരെ സംസ്ഥാനത്ത് നാല് മരണം റിപ്പോര്ട്ട് ചെയ്തു.
