ദോഹ: ഖത്തർ ലോകകപ്പിന്‍റെ (2022 FIFA World Cup) ഔദ്യോഗിക ഗാനം (FIFA World Cup Song 2022) പുറത്തിറക്കി. നവംബർ 21നാണ് അറേബ്യന്‍ നാട് ആതിഥേയരാവുന്ന ആദ്യ ഫുട്ബോള്‍ ലോകകപ്പിന് തുടക്കമാവുക. ഒരുമിച്ച് നിൽക്കുക (Hayya Hayya- Better Together) എന്ന സന്ദേശത്തോടെയാണ് 2022ലെ ഫിഫ ലോകകപ്പിന്‍റെ ഔദ്യോഗിക ഗാനം പുറത്തിറക്കിയത്.
അമേരിക്കൻ ഗായകൻ ട്രിനിഡാഡ് കാർഡോണ, നൈജീരിയൻ ഗായകൻ ഡേവിഡോ, ഖത്തറിലെ ഏറ്റവും പ്രശസ്‌ത ഗായികയായി ഐഷ എന്നിവരാണ് മുഖ്യ ആകർഷണം. ഖത്തർ ലോകകപ്പിന്‍റെ ഭാഗ്യചിഹ്നവും പുറത്തിറക്കിയിട്ടുണ്ട്. പ്രതിഭാധനനായ കളിക്കാരൻ എന്നർഥം വരുന്ന ‘ല ഈബ്’ എന്നാണ് ഭാഗ്യചിഹ്നത്തിന്‍റെ പേര്.
