സർക്കാർ ഓഫീസുകളിൽ ഇനി ഇ-ഫയൽ മാത്രം

സംസ്ഥാനത്തെ എല്ലാ ഓഫീസുകളിലെയും ഫയൽ നീക്കം പൂർണമായി ഇ-ഓഫീസ് വഴിയാക്കുന്നു. സർക്കാർ വകുപ്പുകൾ തമ്മിലുള്ള ആശയവിനിമയം ഇലക്ട്രോണിക്കാക്കി മാറ്റാൻ സാങ്കേതിക ഒരുക്കങ്ങൾ ഉടൻ പൂർത്തിയാക്കണമെന്ന് ചീഫ് സെക്രട്ടറി ഡോ. വിപി ജോയ് നിർദേശം നൽകി. ഇത് നടപ്പാകുന്നതോടെ സർക്കാർ ഓഫീസുകളിൽ കടലാസ് ഫയലുകളുണ്ടാവില്ല. സെക്രട്ടേറിയറ്റിലെ ഫയൽ നീക്കം നേരത്തേതന്നെ ഓൺലൈനാക്കിയിരുന്നു.