വ്യോമസേനയുടെ പ്രത്യേക സേന റിപ്പബ്ലിക് ദിന പരേഡിന്റെ ഭാഗമാകും

ഇന്ത്യൻ വ്യോമസേനയുടെ ഗരുഡ് സ്പെഷ്യൽ ഫോഴ്സ് ഈ വർഷത്തെ റിപ്പബ്ലിക് ദിന പരേഡിൽ കർത്തവ്യ പാതയിൽ മാർച്ച് ചെയ്യും. ഇത് ആദ്യമായാണ് ഗരുഡ് സ്പെഷ്യൽ ഫോഴ്സ് റിപ്പബ്ലിക്ക് ദിന പരേഡിൽ മാർച്ച് ചെയ്യുന്നത്. ഐഎഎഫ് സംഘത്തിന്റെ ഭാഗമായി സ്ക്വാഡ്രൺ ലീഡർ പിഎസ് ജൈതാവത്ത് ഗരുഡ് ടീമിനെ നയിക്കും. സ്ക്വാഡ്രൺ ലീഡർ സിന്ധു റെഡ്ഡി കണ്ടിജന്റ് കമാൻഡറായിരിക്കും.