മുതിർന്ന സിപിഐഎം നേതാവ് ജി സുധാകരൻ ഒരുപാട് അനുഭവ സമ്പത്തും പക്വതയുള്ള നേതാവാണെന്നും തീരുമാനങ്ങൾ എടുക്കാൻ അദ്ദേഹത്തെ ആരും പഠിപ്പിക്കേണ്ടതില്ലെന്നും കെ സി വേണുഗോപാൽ.
സിപിഐഎമ്മുമായി ഇടഞ്ഞുനിൽക്കുന്ന ജി സുധാകരനുമായി ഒരു ചർച്ചയും നടന്നിട്ടില്ലെന്ന് കെ സി വേണുഗോപാൽ വ്യക്തമാക്കി. ജി സുധാകരൻ സ്വന്തം അനുഭവത്തിൽ നിന്ന് പറഞ്ഞ ഒരുപാട് കാര്യങ്ങൾ ഫേസ്ബുക്ക് പോസ്റ്റിലുണ്ട്. ഇപ്പോഴും അദ്ദേഹം കമ്മ്യൂണിസ്റ്റ് ആശയങ്ങളുമായി ഉറച്ചുനില്കുന്നയാളാണ്, സുധാകരന്റെ കാര്യങ്ങൾ സുധാകരനാണ് തീരുമാനിക്കേണ്ടത്. ഇനി എന്ത് വേണമെന്ന് അദ്ദേഹം തീരുമാനിക്കട്ടെ. അപ്പോൾ ഞങ്ങൾ പ്രതികരിക്കും.
