ചെറുപുഷ്പ മിഷൻ ലീഗ് കേരള സം സ്ഥാന സമിതി ഏർപ്പെടുത്തി നൽകിവരുന്ന മിഷൻ ലീഗ് സ്ഥാപക ഡയറക്ടർ ഫാ. ജോസഫ് മാലിപ്പറമ്പിൽ പുരസ്കാരത്തിന് പാലാ രൂപതാംഗവും മാൻവെട്ടം ശാഖാ ഡയറക്ടറുമായ ഫാ. മാത്യു പുല്ലുകാലായിൽ തെരഞ്ഞെടുക്കപ്പെട്ടു.
സാമൂഹ്യ സേവനങ്ങളും മിഷൻ, ദൈവവിളി പ്രവർത്തനങ്ങളും വിലയിരുത്തി ചെറുപുഷ്പ മിഷൻ ലീഗ് സംസ്ഥാന രക്ഷാധികാരി ബിഷപ് മാർ തോമസ് തറയിൽ, ഡയറക്ടർ ഫാ. ഷിജു ഐക്കരക്കാനായിൽ, പ്രസിഡന്റ് ബേബി പ്ലാശേരി, ജനറൽ സെക്രട്ടറി ജിന്റോ തകിടിയേൽ, ജനറൽ ഓർഗനൈസർ തോമസ് അടുപ്പുകല്ലുങ്കൽ എന്നിവർ ഉൾപ്പെട്ട കമ്മിറ്റിയാണ് അവാർഡ് ജേതാവിനെ തെരഞ്ഞെടുത്തത്.
സെപ്റ്റംബർ ഒൻപതിന് ആർപ്പൂക്കര ചെറുപുഷ്പം ശാഖയിൽ നടത്തുന്ന ഫാ. ജോസഫ് മാലിപ്പറമ്പിൽ രജത ജൂബിലി അനുസ്മരണ സമ്മേളനത്തിൽ മാർ തോമസ് തറയിൽ അവാർഡ് സമ്മാനിക്കും.
ഫാ. മാത്യു പുല്ലുകാലായിൽ അദിലാബാദ് രൂപതയിൽ ഗോല്ലപ്പള്ളി, ജണ്ടാവെങ്കിട്ടപുരം, കോനംപേട്ട എന്നിവിടങ്ങളിലായി എട്ടു വർഷം ശുശ്രൂഷ ചെയ്തു. തദ്ദേശീയ ദൈവവിളികൾ ഉണ്ടാകുന്നതിനുവേണ്ടി കുട്ടികളുടെ ബോർഡിംഗ് നടത്തി രണ്ടുപേരെ വൈദികരും രണ്ടുപേരെ സിസ്റ്റേഴ്സുമാകാൻ സഹായിച്ചു, മിഷനിൽ ആദ്യമായി കുടുംബ കൂട്ടായ്മ സംഘടിപ്പിച്ചു, 130 കുട്ടികൾക്ക് സൗജന്യ വിദ്യാഭ്യാസ സൗകര്യം ഒരുക്കി തുടങ്ങിയ പ്രവർത്തനങ്ങൾ പരിഗ ണിച്ചാണ് അവാർഡ്.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
