മുഖ്യമന്ത്രിയുമായുള്ള കൂടിക്കാഴ്ചക്ക് ധനമന്ത്രി നിർമ്മലാ സീതാരാമനെത്തി

മുഖ്യമന്ത്രി പിണറായി വിജയനുമായുള്ള കേന്ദ്ര ധനമന്ത്രി നിർമ്മലാ സീതാരാമന്റെ കൂടികാഴ്ച ആരംഭിച്ചു. കേരള ഹൗസിലാണ് കൂടിക്കാഴ്ച. വയനാടിന് അനുവദിച്ചവായ്‌പയുടെ വിനിയോഗ കാലാവധി കൂട്ടുന്നതടക്കം വിഷയങ്ങൾ കൂടിക്കാഴ്ചയിൽ മുഖ്യമന്ത്രി ഉന്നയിക്കും. 525 കോടി മാർച്ച് 31 മുമ്പ് ചെലവഴിക്കാൻ സാധിക്കാത്ത സാഹചര്യം വിശദീകരിക്കും. ആശാവർക്കർമാരുടെ വിഷയം ചർച്ചയാകുമോയെന്ന് വ്യക്തമല്ല. ഗവർണറും കേരള ഹൗസിലുണ്ടാകും.