ഖത്തറിൽ ഇന്ന് കലാശപ്പോര്. ജയിച്ചു മടങ്ങാൻ മെസി, രണ്ടാം തവണയും കപ്പുയർത്താൻ എംബാപ്പെ. ഫുട്ബോൾ ലോകത്തെ പുതിയ രാജാക്കന്മാരെ ഇന്നറിയാം. ഖത്തർ ലോകകപ്പിന്റെ കലാശ പോരാട്ടത്തിൽ നിലവിലെ ചാമ്ബ്യന്മാരായ ഫ്രാൻസ് മുൻ ചാമ്ബ്യന്മാരായ അർജന്റീനയെ നേരിടും. ലോക ഫുട്ബോളിലെ ഗ്ലാമർ താരങ്ങളായ ലയണൽ മെസിയും കിലിയൻ എംബാപ്പെയും നേർക്കുനേർ വരുന്ന ഫൈനൽ പോരാട്ടത്തെ വലിയ ആവേശത്തോടെയാണ് ആരാധകർ കാത്തിരിക്കുന്നത്. ഇന്ത്യൻ സമയം രാത്രി എട്ടരയ്ക്ക് ലുസൈൽ സ്റ്റേഡിയത്തിലാണ് മത്സരം.
