മേലുകാവുമറ്റം : അനുഗ്രഹ ദായകനായ മാർത്തോമ്മാ മുത്തപ്പന്റെ തിരുനാളിന് തുടക്കം കുറിച്ച് കൊണ്ട് പള്ളി വികാരി റവ . ഡോ. ജോർജ് കാരാംവേലിൽ പതാക ഉയർത്തി.
തുടർന്ന് തുടങ്ങനാട് ഫൊറോനാ വികാരി വെരി. റവ. ഫാ. തോമസ് പുല്ലാട്ട് ആഘോഷമായ ദിവ്യബലി അർപ്പിച്ച് വചന സന്ദേശം നൽകി.തുടർന്ന് മൃത വിശ്വാസികൾക്കു വേണ്ടിയുള്ള ശുശ്രൂഷയും സെമിത്തേരി സന്ദർശനവും നടന്നു. ശ്ലീഹായുടെ നൊവേന പ്രാർത്ഥനകൾക്ക് അസി. വികാരി ഫാ. അബ്രാഹം കുഴിമുള്ളിൽ നേതൃത്വം നൽകി.
ശനിയാഴ്ച വൈകുന്നേരം പാലാ രൂപതയിലെ നവ വൈദികർ തിരുനാൾ കൂർബാന അർപ്പിച്ച് സന്ദേശം നൽകും. തുടർന്ന് ജപമാല പ്രദക്ഷിണവും സ്നേഹവിരുനും നടക്കും.
