കോട്ടയം : സഹോദരിമാരായ വിദ്യാർഥിനികൾക്കു പ്രധാനമന്ത്രി നരേന്ദ്ര മോദിയുടെ ‘പരീക്ഷാ പേ ചർച്ച’യിൽ പങ്കെടുക്കാൻ ക്ഷണം. കേന്ദ്രീയ വിദ്യാലയത്തിലെ വിദ്യാർഥിനികളും സഹോദരിമാരുമായ ഡി.നന്ദിതയും (പ്ലസ്ടു) ഡി.നിവേദിതയുമാണ് (എട്ടാം ക്ലാസ്) ദേശീയ പരിപാടിയിൽ ഇടം പിടിച്ചത്. വിദ്യാർഥികളുടെ പരീക്ഷപ്പേടി അകറ്റാനുള്ള പരിപാടിയുടെ ഭാഗമായി ഏപ്രിൽ ഒന്നിനു 11നു ന്യൂഡൽഹി താൽക്കത്തോറ ഇൻഡോർ സ്റ്റേഡിയത്തിൽ നടക്കുന്ന സംവാദത്തിൽ ഇരുവരും പങ്കെടുക്കും.
