കോണ്സ്റ്റാന്റിനോപ്പിളിലെ ഒരു ധനിക പ്രഭുകുടുംബത്തിലാണ് വിശുദ്ധ ഒളിമ്പിയാസിന്റെ ജനനം. ദൈവത്തെ സേവിക്കുന്നതിനും, കാരുണ്യ പ്രവര്ത്തനങ്ങള്ക്കുമായി തന്റെ ജീവിതം സമര്പ്പിച്ചു. അധികം താമസിയാതെ അവള് പുരോഹിതാര്ത്ഥിയായി അഭിഷിക്തയായി. മറ്റു ചില സ്ത്രീകളെയും സംഘടിപ്പിച്ചു കൊണ്ട് വിശുദ്ധ ഒരു സന്യാസിനീ സഭക്ക് തുടക്കം കുറിച്ചു. ദാനധര്മ്മങ്ങളില് വളരെ തല്പ്പരയായിരുന്നു വിശുദ്ധ, തന്റെ പക്കല് സഹായത്തിനായി വരുന്നവരെ വിശുദ്ധ നിരാശരാക്കാറില്ലായിരുന്നു. അര്ഹിക്കാത്തവര് പോലും വിശുദ്ധയില് നിന്നും സഹായങ്ങള് ആവശ്യപ്പെടുക പതിവായി.
അതിനാല് 398-ല് വിശുദ്ധയുടെ ഏറ്റവും നല്ല സുഹൃത്തായിരുന്ന വിശുദ്ധ ജോണ് ക്രിസ്റ്റോസം കോണ്സ്റ്റാന്റിനോപ്പിളിലെ പാത്രിയാര്ക്കീസായി നിയമിതനായപ്പോള്, അദ്ദേഹം വിശുദ്ധയെ അര്ഹതയില്ലാത്തവര്ക്ക് പകരം പാവപ്പെട്ടവരെ സഹായിക്കുവാന് ഗുണദോഷിക്കുകയും വിശുദ്ധയുടെ ആത്മീയഗുരുവായി മാറുകയും ചെയ്തു. 404-ല് വിശുദ്ധ ജോണ് ക്രിസ്റ്റോസം പാത്രിയാര്ക്കീസ് പദവിയില് നിന്നും പുറത്താക്കപ്പെടുകയും ആ സ്ഥാനത്തിന് ഒട്ടും യോഗ്യനല്ലാത്ത അര്സാസിയൂസ് പാത്രിയാര്ക്കീസായി നിയമിതനാവുകയും ചെയ്തു. വിശുദ്ധ ജോണ് ക്രിസ്റ്റോസത്തിന്റെ ഏറ്റവും നല്ല ശിക്ഷ്യയായിരുന്ന വിശുദ്ധ ഒളിമ്പ്യാസ് അര്സാസിയൂസിനെ അംഗീകരിച്ചില്ല. കൂടാതെ വിശുദ്ധ ജോണ് ക്രിസ്റ്റോസത്തിനു വേണ്ട സഹായങ്ങള് ചെയ്തു കൊടുക്കുകയും ചെയ്തു. ഇതില് രോഷംപൂണ്ട മുഖ്യനായ ഒപ്റ്റാറ്റസ് വിശുദ്ധക്ക് പിഴ വിധിച്ചു. അര്സാസിയൂസിന്റെ പിന്ഗാമിയായിരുന്ന അറ്റിക്കൂസ് അവരുടെ സന്യാസിനീ സഭ പിരിച്ചുവിടുകയും, വിശുദ്ധയുടെ കാരുണ്യപ്രവര്ത്തനങ്ങള് നിര്ത്തലാക്കുകയും ചെയ്തു. ജോണ് ക്രിസ്റ്റോസം മരിച്ച് ഒരു വര്ഷം കഴിയുന്നതിനു മുന്പ് ജൂലൈ 24ന് താന് നാടുകടത്തപ്പെട്ട നിക്കോമെദിയ എന്ന സ്ഥലത്ത് വച്ച് വിശുദ്ധയും മരണമടഞ്ഞു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/DX6BuBLs9Yg85MLxY1e0gg
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
