“ദൈവകൃപ നിറഞ്ഞവളേ! സ്വസ്തി, കര്ത്താവ് നിന്നോടുകൂടെ!” എന്ന പ്രധാന മാലാഖയായ വി. ഗബ്രിയേല് മാലാഖയുടെ പ്രസിദ്ധമായ ഈ അഭിവാദ്യത്താല് പരിശുദ്ധ അമ്മ ആയിരകണക്കിന് വര്ഷങ്ങളായി ദിനംതോറും ദശലക്ഷകണക്കിന് പ്രാവശ്യം വിശ്വാസികളാല് അഭിവാദ്യം ചെയ്യപ്പെട്ട് കൊണ്ടിരിക്കുന്നു. ഇന്നത്തെ സുവിശേഷത്തിലും ഈ അഭിവാദ്യം പുതുമയോടെ മുഴങ്ങി കേള്ക്കുന്നു. ദൈവമഹത്വത്തിന്റെ പൂര്ണ്ണ രഹസ്യം പരിശുദ്ധ അമ്മയിലൂടെ യഥാര്ത്ഥ്യം പ്രാപിച്ചു എന്ന കാര്യം തിരുസഭയുടെ മക്കള് ഗബ്രിയേല് മാലാഖയുടെ വാക്കുകളില് നിന്നും മനസ്സിലാക്കുന്നു.
1854 ഡിസംബര് 8ന് വാഴ്ത്തപ്പെട്ട പിയൂസ് ഒമ്പതാമന് മാര്പാപ്പാ മറിയത്തോടുള്ള ദൈവത്താല് വെളിവാക്കപ്പെട്ട വിശ്വാസ പ്രമാണം പ്രഖ്യാപിച്ചു. ഇതിന് പ്രകാരം “കന്യകാ മറിയം പരിശുദ്ധാത്മാവിനാല് ഗര്ഭം ധരിച്ച നിമിഷം മുതല്, മനുഷ്യവംശത്തിന്റെ രക്ഷകന് എന്ന നിലയിലുള്ള യേശുവിന്റെ യോഗ്യതകളെപ്രതിയുള്ള ദൈവത്തിന്റെ പ്രത്യേക അനുഗ്രഹത്താല് ആദ്യപാപത്തിന്റെ കറകളില് നിന്നും ഒഴിവാക്കപ്പെട്ടിരിക്കുന്നു”
സ്വര്ഗ്ഗത്തില് മറിയം വെറുമൊരു അനുയായി മാത്രമായിരിക്കുകയില്ല, മറിച്ച് അവളുടെ മകന്റെ മുന്പില് ഏറ്റവും മഹത്വമുള്ളവള് ആയിരിക്കും. അവള് ദൈവത്തിന്റെ അമ്മയാണ്, എപ്പോഴും ആയിരിക്കുകയും ചെയ്യും, തിരുസഭയുടെ അമ്മ, മാലാഖമാരുടെയും വിശുദ്ധരുടേയും പരിശുദ്ധ രാജ്ഞീ. അതിനാല് വിശുദ്ധ കുര്ബ്ബാനയുടെ അവതാരികയില് ഇപ്രകാരം കൂട്ടിച്ചേര്ക്കപ്പെട്ടിരിക്കുന്നു. “നിന്റെ പക്കല് ഞങ്ങളുടെ വക്താവായിരിക്കുവാനും, വിശുദ്ധിയുടെ മാതൃകയായിരിക്കുവാനും നീ അവളെ സകല സൃഷ്ടികളില് നിന്നും തിരഞ്ഞെടുത്തിരിക്കുന്നു.
രക്ഷകന്റെ അമ്മയാകാന് നിയോഗം ലഭിച്ചവള് എന്ന കാരണത്താല് തന്നെ മറിയം നിര്മ്മലയായിരുന്നു. യഥാര്ത്ഥ വിശുദ്ധിയുടെ അനുഗ്രഹം കൂടാതെ ധന്യതയുടെ പൂര്ത്തീകരണവും അവള്ക്ക് ലഭിച്ചിരുന്നു. ഈ അനുഗ്രഹം ദൈവീക പ്രാസാദത്താല് ഒരിക്കല് നമുക്കും സ്വീകരിക്കുവാന് കഴിയും എന്ന് പ്രതീക്ഷിക്കാം. നിര്മ്മലയായ മറിയം നന്മനിറഞ്ഞവള് ആയിരുന്നു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/DX6BuBLs9Yg85MLxY1e0gg
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
