ഇറ്റലിയിലെ മിലാനിലെ ഉയര്ന്ന ഉദ്യോഗസ്ഥരും ധനികരുമടങ്ങുന്ന ഒരു കുടുംബത്തിലാണ് ചാള്സ് ബൊറോമിയോ ജനിച്ചത്. പതിനാറാം നൂറ്റാണ്ടിലെ ധനികരുടെ ജീവിത രീതികള് പോലെ തന്നെ അദ്ദേഹവും കായികപ്രകടനങ്ങളും, സംഗീതവും, കലയും കൂടാതെ രുചികരമായ ഭക്ഷണങ്ങളും ആസ്വദിച്ചു കൊണ്ടു തന്നെയായിരുന്നു ജീവിച്ചിരുന്നത്. പ്രശസ്തമായ മെഡിസി കുടുംബത്തില് നിന്നുള്ള അദ്ദേഹത്തിന്റെ അമ്മാവന് അക്കാലത്തെ മാര്പാപ്പയായിരുന്നു.
ചാള്സിന്റെ 23-മത്തെ വയസ്സില്, പാപ്പായായ ഈ അമ്മാവന് അദ്ദേഹത്തെ ഒരു കര്ദ്ദിനാള് ആയി നിയമിക്കുകയും നിരവധി ഔദ്യോഗിക ഭരണത്തിന്റെ ചുമതലകള് നല്കുകയും ചെയ്തു. ഫ്രഡറിക്ക് ബൊറോമിയോ പ്രഭു മരിച്ചപ്പോള് പലരും ധരിച്ചിരുന്നത് ചാള്സ് തന്റെ വൈദിക ജീവിതം മതിയാക്കി വിവാഹം ചെയ്ത് ബൊറോമിയോ കുടുംബത്തിന്റെ തലവന് ആകുമെന്നായിരുന്നു.
പക്ഷെ തന്റെ മറ്റൊരമ്മാവനെ ചുമതലകള് ഏല്പ്പിച്ചു അദ്ദേഹം ഒരു പുരോഹിതനായി തന്റെ ജീവിതം തുടര്ന്നു, ഒരു സ്ഥിരം മെത്രാനില്ലാതെയിരുന്ന മിലാനില് അധികം താമസിയാതെ തന്നെ അദ്ദേഹം മെത്രാനായി നിയമിതനാവുകയും ചെയ്തു.
മരിച്ചുകൊണ്ടിരിക്കുന്നവരും രോഗികളുമായ ധാരാളം ആളുകളെ അദ്ദേഹം ശുശ്രുഷിച്ചു. സഭാധികാരികളുടെ മുന്നില് വേണ്ടത്ര ശ്രദ്ധിക്കപ്പെടുന്നില്ല എന്നു ചിന്തിച്ച് നീരസംപൂണ്ട ഒരു മത പുരോഹിതന് അദ്ദേഹത്തെ വധിക്കുവാനുള്ള ശ്രമവും നടത്തി. ചാള്സ് അള്ത്താരക്കു മുന്നില് മുട്ടിന്മേല് നിന്നു പ്രാര്ത്ഥിക്കുന്ന സമയം ഈ പുരോഹിതന് പുറകില് നിന്നും അദ്ദേഹത്തിന് നേരെ വെടിയുതിര്ത്തു.
ആദ്യം താന് മരിക്കുകയാണെന്നാണ് അദ്ദേഹം കരുതിയത്. പക്ഷെ ആ വെടിയുണ്ടക്ക് അദ്ദേഹത്തിന്റെ മേല്വസ്ത്രത്തെ തുളച്ചു പോകുവാന് കഴിഞ്ഞില്ല. ഒരിക്കല് അദ്ദേഹം ബില്ല്യാര്ഡ്സ് കളിച്ചുകൊണ്ടിരുന്നപ്പോള് അദ്ദേഹത്തിന്റെ ഒരു സുഹൃത്ത് ചോദിച്ചു “ഇനി തനിക്ക് 15മിനിറ്റ് കൂടിയെ ജീവിതമുള്ളുവെങ്കില് താന് എന്തു ചെയ്യും.” “ബില്ല്യാര്ഡ്സ് കളിക്കുന്നത് തുടരും” അദ്ദേഹം മറുപടി കൊടുത്തു.
ഒരു സിനഡില് വച്ച് തന്റെ മുന്പിലുള്ള മെത്രാന്മാരോട് വിശുദ്ധ ചാള്സ് ബൊറോമിയോ ഇപ്രകാരം പറഞ്ഞു. “ദേഷ്യം പൂണ്ട നമ്മുടെ വിധികര്ത്താവ് നമ്മോടു ചോദിക്കുന്നു : നിങ്ങള് എന്റെ സഭക്ക് പുതുജീവന് നല്കുവാന് വന്നവരാണെങ്കില്, നിങ്ങളെന്തിന് കണ്ണടച്ചു? എന്റെ കുഞ്ഞാടുകളുടെ ഇടയനായി ഭവിക്കുകയാണെങ്കില്, അവരെയെന്തിനു ചിന്നിചിതറുവാന് അനുവദിച്ചു? ഭൂമിയുടെ ഉപ്പായ നിങ്ങള്ക്ക് നിങ്ങളുടെ പുളി നഷ്ടപ്പെട്ടു. മനുഷ്യരുടെ പ്രീതിക്കായി പ്രവര്ത്തിക്കുകയല്ലാതെ നിങ്ങള് ഒന്നും ചെയ്തിട്ടില്ല. അയല്ക്കാരോടും പാവങ്ങളോടുമുള്ള ചാള്സിന്റെ സ്നേഹം വലുതായിരുന്നു. മിലാനില് മഹാമാരി നാശം വിതച്ചപ്പോള് അദ്ദേഹം തന്റെ കിടക്ക തുടങ്ങി സകല വീട്ടുപകരണങ്ങളും വിറ്റ് രോഗികളെയും പാവപ്പെട്ടവരെയും സഹായിച്ചു. അതിന് ശേഷം വെറും പലക പുറത്താണ് അദ്ദേഹം ഉറങ്ങിയിരുന്നത്. കരുണാമയനായ ഒരു പിതാവിനെ പോലെ അദ്ദേഹം രോഗികളെയും പാവങ്ങളെയും സന്ദര്ശിക്കുകയും, അവരെ ആശ്വസിക്കുകയും ചെയ്തു. തന്റെ കൈകളാല് അവര്ക്ക് വിശുദ്ധ കുര്ബ്ബാന നല്കി.
ഒരിക്കല് അദ്ദേഹം ഒരു പരിഹാര പ്രദക്ഷിണം നടത്തി. തന്റെ കഴുത്തില് ഒരു കയര് ചുറ്റി, നഗ്നപാദനായി ചോരയൊലിപ്പിച്ചുകൊണ്ട് തോളില് ഒരു മരക്കുരിശും ചുമന്നുകൊണ്ടു അദ്ദേഹം നടന്നു. ഇതുവഴി, ദൈവത്തിന്റെ ശിക്ഷയില് നിന്നും രക്ഷപ്പെടുന്നതിനായി തന്റെ മക്കള്ക്ക് ത്യാഗത്തിന്റെ മാതൃക സ്വയം നല്കുകയായിരുന്നു ചാള്സ് ചെയ്തത്. ചണം കൊണ്ടുള്ള വസ്ത്രം ധരിച്ച്, മേലാകെ ചാരം പൂശി, ക്രൂശിതനായ ക്രിസ്തുവിന്റെ ഒരു ചിത്രം കയ്യില് പിടിച്ചുകൊണ്ട് 1584-ല് തന്റെ 46-മത്തെ വയസ്സിലാണ് അദ്ദേഹം മരിച്ചത്. മിലാനിലെ പള്ളിയിലാണ് അദ്ദേഹത്തിന്റെ ശവകുടീരം സ്ഥിതി ചെയ്യുന്നത്.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/DX6BuBLs9Yg85MLxY1e0gg
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
