നിലപാടുകൾ ഉള്ള പത്രമാണ് ദീപിക: മോൺ. ജോസഫ് തടത്തിൽ
അരുവിത്തുറ : നിലപാടുകൾ ഉള്ള പത്രമാണ് ദീപിക എന്ന് മോൺ. ജോസഫ് തടത്തിൽ. ദീപികയുടെ നിലപാടുകൾ എന്നും സമൂഹനന്മയ്ക്ക് ഉതകുന്നവയാണെന്നും അദ്ദേഹം പ്രസ്താവിച്ചു.
ദീപിക ഫ്രൺസ് ക്ലബ് അരുവിത്തുറ ഫൊറോന കൺവെൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഫൊറോന വികാരി ഫാ. സെബാസ്റ്റ്യൻ വെട്ടുകല്ലേൽ യോഗത്തിൽ അധ്യക്ഷനായിരുന്നു. ഡി എഫ് സി രൂപത ഡയറക്ടർ ഫാ. ജോർജ് നെല്ലിക്കുന്ന്ചെരുവു പുരയിടം ആമുഖ പ്രഭാഷണം നടത്തി.
ഡി എഫ് സി സംസ്ഥാന പ്രസിഡന്റ് ജോർജ് വടക്കേൽ, ഫൊറോന ഡയറക്ടർ ഫാ. എബ്രഹാം കുഴിമുള്ളിൽ രൂപത പ്രസിഡന്റ് ജയ്സൺ കുഴികോടിയിൽ, ഫൊറോന പ്രസിഡന്റ് ജോസ് കിഴവഞ്ചിയിൽ, യൂണിറ്റ് പ്രസിഡന്റ് തോമസ് അത്യാലിൽ,രൂപത വനിതാ പ്രസിഡന്റ് ജാൻസി തോട്ടക്കര, വനിത പ്രസിഡന്റ് ആലീസ് പാറയടിയിൽ തുടങ്ങിയവർ പ്രസംഗിച്ചു.
75വർഷം ദീപിക വരിക്കാരായവരെയും, സൺഡേസ്കൂൾ പരീക്ഷയിൽ ഉന്നത വിജയം നേടിയവരെയും പത്ര വിതരണ ഏജെന്റ്സിനെയും ചടങ്ങിൽ അനുമോദിച്ചു.
