1786-ല് ഫ്രാൻസിലെ ഡാര്ഡില്ലിയിലാണ് വിശുദ്ധ ജോൺ വിയാന്നി ജനിച്ചത്. ഫ്രഞ്ച് വിപ്ലവത്തിന്റെ കാലത്ത് മതപരമായ വിദ്യാലയങ്ങളും, ദേവാലയങ്ങളും അടക്കപ്പെട്ടിരുന്ന ഒരു കാലമായിരിന്നു അത്. കൂടാതെ അക്കാലത്ത് പുരോഹിതന്മാര്ക്ക് അഭയം നല്കുന്നവരെ തടവിലാക്കുകയും ചെയ്തിരുന്നു. എന്നാല് ഫ്രാന്സിലെ ഡാര്ഡില്ലിയിലെ വിയാന്നികളുടെ തോട്ടത്തില് അവര് പുരോഹിതര്ക്ക് അഭയം നല്കിയിരുന്നു. വിശുദ്ധനെ പ്രഥമ ദിവ്യകാരുണ്യത്തിനായി തയ്യാറാക്കിയത് അതില് ഉള്പ്പെട്ട ഒരു പുരോഹിതനായിരുന്നു.
എക്കുല്ലിയിലുള്ള തന്റെ അമ്മായിയെ സന്ദര്ശിച്ച വേളയില്, തന്റെ അമ്മായി അവിടുത്തെ ഇടവക വികാരിയെ പ്രശംസിക്കുന്നത് ജോണ് കേട്ടു. ഒരു പുരോഹിതനാവാനുള്ള തന്റെ ദൈവനിയോഗത്തെപ്പറ്റി ആ പുരോഹിതന്റെ ഉപദേശമാരായണമെന്ന് ജോണ് നിശ്ചയിച്ചു. സംസാരത്തിലും, വിദ്യാഭ്യാസത്തിലും കുറവുകളുമുണ്ടായിരുന്ന ആ യുവാവിനെ ആ പുരോഹിതന് ശരിയായി തന്നെ വിലയിരുത്തി. പക്ഷേ ആ പുരോഹിതന് ചോദിച്ച ശാസ്ത്രപരമായ ചോദ്യങ്ങള്ക്കൊന്നും ഉത്തരം നല്കുവാന് ജോണിന് കഴിഞ്ഞില്ല.1815-ല് ജോണിന് പൗരോഹിത്യ പട്ടം ലഭിച്ചു. മൂന്ന് വര്ഷത്തോളം എക്കുല്ലിയില് ചിലവഴിച്ചതിന് ശേഷം വിശുദ്ധന് ആര്സിലെ ഇടവക വികാരിയായി നിയമിതനായി.
തന്റെ സമൂഹത്തിലും ചുറ്റുപാടിലും ഉളവാക്കിയ ആത്മീയ രൂപാന്തരീകരണം അദ്ദേഹത്തിന്റെ പുരോഹിതവൃത്തിയെ അന്തർദേശീയ തലത്തിൽ ശ്രദ്ധിക്കപ്പെടാൻ ഇടയാക്കി. പാപികള്ക്കും ദരിദ്രര്ക്കും ഒരുപോലെ വിശ്രമമില്ലാതെ സേവനം ചെയ്തുകൊണ്ട് ആര്സില് വെച്ചാണ് വിശുദ്ധന് മരണപ്പെടുന്നത്. വിശുദ്ധ പിയൂസ് പത്താമന് പാപ്പയാണ് ജോണ് വിയാന്നിയെ വാഴ്ത്തപ്പെട്ടവനായി പ്രഖ്യാപിക്കുന്നത്. പിയൂസ് പതിനൊന്നാമന് പാപ്പായാണ് അദ്ദേഹത്തെ വിശുദ്ധനായി പ്രഖ്യാപിച്ചത്. പുരോഹിതരുടെ മദ്ധ്യസ്ഥനായി അദ്ദേഹത്തെ സഭ വണങ്ങുന്നു.
