വിശുദ്ധ സോട്ടര്
മാര്പാപ്പായായിരുന്ന അനിസെറ്റൂസിനു ശേഷം പാപ്പായായി അഭിഷിക്തനായത് വിശുദ്ധ സോട്ടറാണ്. യേശുവിലുള്ള തങ്ങളുടെ ആഴമായ വിശ്വാസം നിമിത്തം ഖനികളിലെ കഠിന ജോലികള്ക്കായി അയക്കപ്പെട്ട ചില ഗ്രീക്ക്കാരോട് വിശുദ്ധന് കാണിച്ച ആഴമായ ദയയുടെ കാര്യത്തിലാണ് വിശുദ്ധന്
പ്രത്യേകം ശ്രദ്ധിക്കപ്പെടുന്നത്. ചാവുദോഷം ചെയ്തവര് ഒഴികെയുള്ള വിശ്വാസികളെ പെസഹാ വ്യാഴാഴ്ച ദിനങ്ങളില് ദിവ്യകാരുണ്യം സ്വീകരിക്കുവാനായി വിശുദ്ധന് അനുവദിക്കുകയും ചെയ്തു. എഡി 175 ല് ഒരു രക്തസാക്ഷിയായാണ് വിശുദ്ധന് മരണമടഞ്ഞത്.
വിശുദ്ധ കായിയൂസ്
283 മുതല് 296 വരെ പാപ്പായായിരുന്ന വിശുദ്ധ കായിയൂസ്. മെത്രാനായി തിരഞ്ഞെടുക്കപ്പെടുന്നതിനു മുന്പായി, ഒരാള് സഭാ ദൗത്യത്തിന്റെ പടികളായ പോര്ട്ടെര്, ലെക്ട്ടര്, എക്സോര്സിസ്റ്റ്, അക്കോലൈറ്റ്, സബ്-ഡീക്കന്, ഡീക്കന്, പുരോഹിതന് എന്നീ പടികള് കടന്നിരിക്കണമെന്ന ഔദ്യോഗിക ഉത്തരവ് പുറപ്പെടുവിച്ചത് വിശുദ്ധ കായിയൂസ് പാപ്പായാണ്.
ഒരു സ്വാഭാവികമരണമായിരുന്നു വിശുദ്ധ കായിയൂസ് പാപ്പായുടേത്. ഏപ്രില് 22ന് കാല്ലിസ്റ്റസിന്റെ ശവകല്ലറയിലാണ് പാപ്പായെ അടക്കിയത്.
