അനുദിനവചന വിചിന്തനം |നോമ്പ് അഞ്ചാം ശനി| 02 ഏപ്രിൽ 2022
(വി.മത്തായി : 17:1-9)
രൂപാന്തരീകരണത്തിന്റെ ഉന്നതഗിരി മുകൾ ക്രിസ്തുവിന്റെ മഹത്വം ശിഷ്യർക്ക് വെളിവാക്കി, സ്വർഗ്ഗം അതിൽ മുദ്ര പതിപ്പിച്ചു… എന്റെ പ്രിയപുത്രൻ , ഇവനിൽ ഞാൻ പ്രസാദിച്ചിരിക്കുന്നു.
ദൈവസാന്നിധ്യത്തിലായിരിക്കുന്നതിലേറെ നന്നായൊരു സ്ഥിതി മനുഷ്യ ജീവിതത്തിലില്ല.
നമ്മുടെ ജീവിതത്തിന്റെ ഇത്തിരി ഇടങ്ങൾ വിട്ട് ദൈവസാന്നിധ്യത്തിന്റെ ഉന്നതഗിരികളിലേയ്ക്ക് കയറാൻ സാധിക്കണം.
നോമ്പ് രൂപാന്തരപ്പെടലിന്റെ ഗിരി മുകളിലേയ്ക്കുള്ള തപോയാത്രയാകട്ടെ . ദൈവത്തെ കേൾക്കാനും ദൈവത്തോട് സംസാരിക്കാനുമുള്ള ദിനങ്ങൾ.
