ദൈവചൈതന്യം പകരുന്നവരാകാനുള്ള വിളി ജീവത്താക്കാനാകട്ടെ

ശ്ലീഹാ ആറാം തിങ്കൾ (വി.ലൂക്കാ: 6:12 – 19) ജനങ്ങളെല്ലാം അവനെ സ്പർശിക്കാൻ അവസരം പാർത്തിരുന്നു. അപ്പസ്തോലന്മാരെ തിരഞ്ഞെടുത്ത ക്രിസ്തു അവരെയും തന്റെ പ്രേഷിത വിളിയിൽ പങ്കുചേർത്തു. വിവിധ ഇടങ്ങളിൽ ജനക്കൂട്ടത്തിനിടയിൽ തന്റെ ദൈവിക ശക്തി അവിടുന്ന് പ്രകടമാക്കി. ദൈവമനുഷ്യൻ ദൈവിക ശക്തിയും അഭിഷേകവും പകരുമെന്ന ദൂത് ശിഷ്യർക്കവൻ നല്കി. അനേകർ അപ്പസ്തോലന്മാർക്ക് മുൻപിൽ സൗഖ്യമുള്ളവരായി… വിശ്വാസത്തിൽ ആഴപ്പെടാനുള്ള അടയാളങ്ങൾ തന്റെ തിരഞ്ഞെടുക്കപ്പെട്ടവർക്ക് ക്രിസ്തു നല്കുന്നു എന്ന് വ്യക്തം. ദൈവചൈതന്യം പകരുന്നവരാകാനുള്ള വിളി ജീവത്താക്കാനാകട്ടെ.