ഉയിർപ്പ് ഏഴാം ബുധൻ
(വി. ലൂക്കാ:11: 1-4)
എളിമയോടെ പ്രാർത്ഥിക്കാൻ പഠിപ്പിക്കണമേ എന്ന് ചോദിച്ച പ്രിയപ്പെട്ട ശിഷ്യരെ ഗുരു പഠിപ്പിച്ചതിനോളം മനോഹരമായൊരു പ്രാർത്ഥനയില്ല. ദൈവത്തെയും മനുഷ്യനെയും ബന്ധിപ്പിക്കുന്ന, സ്വർഗ്ഗത്തെയും ഭൂമിയെയും ചേർത്തു നിർത്തുന്ന പ്രാർത്ഥനയാണത്.
വേണ്ട വിധം പ്രാർത്ഥിക്കേണ്ടതെങ്ങനെയെന്ന് നമുക്ക് അറിഞ്ഞു കൂടാ … എന്നാൽ അവാച്യമായ നെടു വീർപ്പുകളാൽ ആത്മാവ് തന്നെ നമുക്കായി മാദ്ധ്യസ്ഥം വഹിക്കുന്നുവെന്ന ശ്ലീഹായുടെ വാക്കുകൾ ഓർമ്മിക്കാം…
ശിഷ്യരെപ്പോലെ പ്രാർത്ഥിക്കാം … കർത്താവേ പ്രാർത്ഥിക്കാൻ എന്നെയും കൂടി പഠിപ്പിക്കണമേ…
