നടനും ബിജെപി നേതാവുമായ കൃഷ്ണകുമാറിന്റെ മകള് ദിയയുടെ സ്ഥാപനത്തില് ജീവനക്കാരികള് നടത്തിയ സാമ്പത്തിക തട്ടിപ്പിന്റെ കൂടുതല് വിവരങ്ങള് പുറത്ത്. മുന് ജീവനക്കാരികള് സ്ഥാപനത്തില് നിന്ന് തട്ടിയെടുത്തത് 40 ലക്ഷത്തോളം രൂപയെന്നാണ് കണ്ടെത്തല്. പണമിടപാടുമായി ബന്ധപ്പെട്ട ഡിജിറ്റല് രേഖകള് ക്രൈം ബ്രാഞ്ച് ശേഖരിച്ചു. ദിയയുടെ
ഉടമസ്ഥതയിലുള്ള ‘ഓ ബൈ ഓസി’ എന്ന ആഭരണവില്പ്പന ശാലയില് നിന്ന് 69 ലക്ഷം രൂപ മുന് ജീവനക്കാരികള് തട്ടിയെടുത്തു എന്നായിരുന്നു ദിയ കൃഷ്ണയുടെ പരാതി. മൂന്ന് പ്രതികളുടെ അഞ്ച് അക്കൗണ്ടുകളിലേക്കായി 40 ലക്ഷം രൂപ മാറ്റിയെന്നാണ് ക്രൈം ബ്രാഞ്ച് അന്വേഷണത്തില്
കണ്ടെത്തിയിരിക്കുന്നത്. ക്യൂ ആര് കോഡ് സ്കാനര് മാറ്റിവച്ചുകൊണ്ടാണ് ജിവനക്കാരികള് സാമ്പത്തിക തിരിമറി നടത്തിയത്. ജീവനക്കാരികളുടെ ചില സുഹൃത്തുക്കളുടേയും ബന്ധുക്കളുടേയും അക്കൗണ്ടുകളിലേക്ക് കൂടി പണം മാറ്റിയോ എന്നും ക്രൈം ബ്രാഞ്ച് പരിശോധിക്കുന്നുണ്ട്.
