വിവാദങ്ങളും വിഭാഗീയ ചൂടുമില്ലാതെ സിപിഐഎം സംസ്ഥാന സമ്മേളനത്തിന് തുടക്കമായി

കേരള രാഷ്ട്രീയത്തെ പ്രകമ്പനം കൊള്ളിക്കുന്ന ചൂടേറിയ രാഷ്ട്രീയ ചർച്ചകൾക്കുള്ള സാധ്യതകൾപോലുമില്ലാതെ സിപിഐ എം സംസ്ഥാന സമ്മേളനത്തിന് കൊല്ലത്ത് തുടക്കമായി. 24 ാമത് പാർട്ടി കോൺഗ്രസിന്റെ ഭാഗമായി നടക്കുന്ന സംസ്ഥാന സമ്മേളനം മുൻകാല സമ്മേളനങ്ങൾപോലെ അല്ല. പ്രധാന രാഷ്ട്രീയ സംവാദങ്ങൾക്കുള്ള വേദിയെന്നതിലപ്പുറം വാദപ്രതിവാദങ്ങൾക്കുപോലും സാധ്യതയില്ലാത്ത സമ്മേളനത്തിനാണ് കൊല്ലത്ത് ആരംഭം കുറിച്ചിരിക്കുന്നത്.