ജാഗ്രത; സംസ്ഥാനത്ത് ഇന്ന് വൻ കാലാവസ്ഥാ വ്യതിയാനം

ഇന്ന് മുതൽ സംസ്ഥാനത്ത് മഴയ്ക്കും ശക്തമായ കാറ്റിനും തെക്കൻ ജില്ലകളിൽ ഒറ്റപ്പെട്ട, അതിശക്തമായ മഴയ്ക്കും സാധ്യത. ചൊവ്വാഴ്ച തീരത്ത് 60 Km/hr വരെ വേഗതയുള്ള കാറ്റിനിടയുണ്ട്. ബംഗാൾ ഉൾക്കടലിൽ രൂപം കൊണ്ട് ശ്രീലങ്കൻ തീരത്തേക്ക് നീങ്ങുന്ന ന്യൂനമർദം നാളെ കന്യാകുമാരിയിലെത്തിയേക്കും. ഇതിന്റെ സ്വാധീനത്തിൽ തെക്കൻ തമിഴ്നാട്ടിലും കേരളത്തിലും നാളെയും മറ്റന്നാളും പരക്കെ മഴ കിട്ടാനിടയുണ്ട്.