INS വിക്രാന്ത് വിമാനവാഹിനി കപ്പലിന്റെ സമർപ്പണ ചടങ്ങിൽ പാലാ പെരുമയും പാലാ: INS വിക്രാന്ത് വിമാനവാഹിനി കപ്പലിന്റെ സമർപ്പണ ചടങ്ങിന് നിറസാന്നിധ്യമായിതീർന്ന പാലാ സെൻ്റ് ജോസഫ് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെൻറ് ആൻഡ് കാറ്ററിംഗ് കോളേജിലെ കുട്ടികൾ ഏറെ ശ്രദ്ധ പിടിച്ചുപറ്റി. സമർപ്പണച്ചടങ്ങിൽ പങ്കെടുത്ത അതിവിശിഷ്ടാതിഥികൾക്ക് കാറ്ററിംഗ് സർവീസിനായി നിയോഗിക്കപ്പെട്ടിരുന്നത് SJIHMCT യിലെ കുട്ടികളായിരുന്നു. വിദേശ രാജ്യങ്ങളിലടക്കം അന്താരാഷ്ട്ര സമ്മേളനങ്ങളിൽ കാറ്ററിംഗ് സർവീസ് നടത്തി, കാറ്ററിംഗ് സർവീസിന് പുതിയ മാനങ്ങൾ സൃഷ്ടിച്ചു വരികയാണ് ഈ കോളജിലെ വിദ്യാർത്ഥികൾ. ഭാവത്തിലും വേഷത്തിലും പെരുമാറ്റത്തിലും കാര്യങ്ങൾ കൈകാര്യം ചെയ്യുന്നതിലെ ചടുലതയും കൊണ്ട് അതിഥികളുടെ മാനസുകൂടി നിറച്ച കുട്ടികളെ ചെയർമാൻ മോൺ. ഡോ. ജോസഫ് മലേപ്പറമ്പിൽ, ഡയറക്ടർ ഫാ. ജോസഫ് വട്ടപ്പള്ളി, പ്രിൻസിപ്പൽ ഡോ. ഷെറി കുര്യൻ. ബർസർ ഫാ. ജോൺ മാറ്റമുണ്ടായിൽ എന്നിവർ അഭിനന്ദിച്ചൂ.
