പാലാ : പാലാ കത്തീഡ്രൽ ദേവാലയത്തിൽ മൂന്ന് ദിവസമായി നടന്നു വരുന്ന നാല്പതുമണി ആരാധന സമാപിച്ചു . ഇടവകയുടെ വാർഷിക ധ്യാനത്തോടനുബന്ധിച്ചായിരുന്നു നാൽപതുമണി ആരാധന നടന്നത് . 5 മണിക്ക് റാസാ കുർബാനയും തുടർന്ന് ദിവ്യകാരുണ്യ പ്രദക്ഷിണവും നടന്നു .
ദിവ്യകാരുണ്യ ആരാധനക്കും പ്രദക്ഷിണത്തിനും പാലാ രൂപത വികാരി ജനറാൾ മോൺ. ജോസഫ് കണിയോടിക്കൽ മുഖ്യകാർമ്മികത്വം വഹിച്ചു . പാലാ രൂപത അധ്യക്ഷൻ മാർ ജോസഫ് കല്ലറങ്ങാട്ട് ആരാധനയിലും പ്രദക്ഷിണത്തിലും സന്നിഹിതനായിരുന്നു . വികാരി വെരി റവ .ഫാ . ജോസ് കാക്കല്ലിൽ , ഫാ . സെബാസ്റ്റ്യൻ ആലപ്പാട്ടു കോട്ടയിൽ , ഫാ . ഐസക് പെരിങ്ങാമലയിൽ കൈക്കാരന്മാർ ബഹുമാനപ്പെട്ട സിസ്റ്റേഴ്സ് എന്നിവർ നാല്പതുമണി ആരാധനക്കും ദിവ്യകാരുണ്യ പ്രദക്ഷിണത്തിനും നേതൃത്വം നൽകി .
