കത്തോലിക്ക സഭയിലെ ആദ്യ മിലേനിയൽ വിശുദ്ധൻ
കാര്ലോ അക്യുട്ടിസിനെ വിശുദ്ധനായി ഇന്ന് പ്രഖ്യാപിക്കും. ഓണ്ലൈനിലൂടെ കത്തോലിക്കാവിശ്വാസം പ്രചരിപ്പിച്ചതിന് ‘ഗോഡ്സ് ഇന്ഫ്ളുവന്സര്’ എന്ന പേരുനേടിയ കാര്ലോ അക്യുട്ടിസിനെ ലിയോ പതിന്നാലാമന് മാര്പാപ്പ ഇന്ന് വിശുദ്ധനായി പ്രഖ്യാപിക്കും.
2006 ല് 15 വയസ്സുള്ളപ്പോള് രക്താര്ബുദം ബാധിച്ച് മരിച്ച കമ്പ്യൂട്ടര് വിദഗ്ധനായ കാര്ലോ അക്യുട്ടിസിനെ വത്തിക്കാനിലെ സെന്റ് പീറ്റേഴ്സ് സ്ക്വയറില് നടക്കുന്ന ചടങ്ങില് ലിയോ പതിനാലാമന് മാര്പ്പാപ്പ വിശുദ്ധ പദവിയിലേക്ക് ഉയര്ത്തും.
ആയിരക്കണക്കിന് ആളുകളാണ് അദ്ദേഹത്തിന്റെ എംബാം ചെയ്ത ശരീരം കാണാനായി എത്തുന്നത്. അക്യൂട്ടിസിനെ വിശുദ്ധനായി പ്രഖ്യാപിക്കുന്ന ചടങ്ങ് കഴിഞ്ഞ ഏപ്രില് മാസത്തില് നടത്താനാണ് തീരുമാനിച്ചിരുന്നത്. ഫ്രാന്സിസ് മാര്പ്പാപ്പയുടെ വിയോഗത്തെ തുടര്ന്നാണ് പ്രഖ്യാപനം മാറ്റി വെച്ചത്.
