ഗുജറാത്തിലെ വഡോദരയില് പാലം തകര്ന്നുണ്ടായ ദുരന്തത്തിന് കാരണം ഗുരുതരമായ ഉദ്യോഗസ്ഥ അനാസ്ഥയെന്ന് കണ്ടെത്തല്. ഉന്നത സമിതിയുടെ റിപ്പോര്ട്ടിന്റെ അടിസ്ഥാനത്തില് നാല് എന്ജിനീയര്മാരെ സര്ക്കാര് സസ്പെന്ഡ് ചെയ്തു . സംസ്ഥാനത്തെ മറ്റു പാലങ്ങളെ കുറിച്ചും
അവലോകനം നടത്താന് മുഖ്യമന്ത്രി നിര്ദ്ദേശിച്ചു. 2022ല് പാലത്തിന്റെ ചില ഭാഗങ്ങള് അടര്ന്നു തുടങ്ങിയപ്പോള് തന്നെ സര്ക്കാരിന് അപായ മുന്നറിയിപ്പ് കിട്ടിയതാണ്. ഇക്കാര്യത്തില് പഞ്ചായത്ത് അംഗം റോഡ് ആന്ഡ് ബില്ഡിംഗ് വകുപ്പിന് അയച്ച കത്തും പുറത്തുവന്നിട്ടുണ്ട്. എന്നിട്ടും
അപകടാവസ്ഥയിലുള്ള പാലത്തിലൂടെയുള്ള ഗതാഗതം നിയന്ത്രിക്കാനോ നിരോധിക്കാനോ കഴിഞ്ഞില്ല. പുതിയപാലം ഉണ്ടാക്കാനുള്ള നടപടികളും ഇഴഞ്ഞുനീങ്ങി. 18 പേരുടെ ജീവന് നഷ്ടമായ ശേഷമാണ് സര്ക്കാര് ഒടുവില് ഉണരുന്നത്.
