നിയമസഭ തിരഞ്ഞെടുപ്പൊരുക്കം ചര്ച്ച ചെയ്യാന് കേരളത്തില് നിന്നുള്ള കോണ്ഗ്രസ് നേതാക്കള് ഇന്ന് ഡല്ഹിയില്. കോണ്ഗ്രസ് ഹൈക്കമാന്ഡ് ആണ് യോഗം വിളിച്ചത്. പാര്ട്ടി അധ്യക്ഷന് മല്ലികാര്ജുന് ഖര്ഗെ, രാഹുല് ഗാന്ധി, കെ.സി വേണുഗോപാല് എന്നിവര് യോഗത്തിന് നേതൃത്വം നല്കും.
സ്ഥാനാര്ഥി നിര്ണയം സംബന്ധിച്ച ആദ്യഘട്ട ചര്ച്ചകള് ഇന്ന് നടക്കും. കെപിസിസി ഭാരവാഹികള്, പ്രതിപക്ഷ നേതാവ്, പ്രവര്ത്തക സമിതി അംഗങ്ങള് എന്നിവര് പങ്കെടുക്കും.ഓരോ മണ്ഡലത്തിലെയും വിജയസാധ്യതയുള്ള സ്ഥാനാര്ഥികളുടെ പേര് ചര്ച്ച ചെയ്യും. കെപിസിസി അധ്യക്ഷന് സണ്ണി ജോസഫ് മല്സരത്തിനിറങ്ങിയാല് അധ്യക്ഷ ചുമതല താത്കാലികമായി കൈമാറുന്നത് സംബന്ധിച്ച കാര്യങ്ങളും ചര്ച്ച ചെയ്യും. തിരഞ്ഞെടുപ്പ് സാഹചര്യത്തില് പാര്ട്ടി സ്വീകരിക്കേണ്ട നയവും യോഗത്തില് തീരുമാനിക്കും.
