ലഹരി വിരുദ്ധ ബോധവത്ക്കരണ സെമിനാർ നടത്തി
കൊച്ചി : വരാപ്പുഴ അതിരൂപത കെ.സി.ബി.സി മദ്യ വിരുദ്ധ സമിതി , മാതാപിതാക്കൾക്കും കുട്ടികൾക്കുമായി പോണേൽ സെന്റ് ഫ്രാൻസീസ് സേവ്യർ ഇടവകയിൽ സംഘടിപ്പിച്ച ലഹരി വിരുദ്ധ ബോധവത്ക്കരണ സെമിനാർ വികാരി ഫാ.ജോർജ് കുറുപ്പത്ത് ഉദ്ഘാടനം ചെയ്തു.
കെ സി ബി സി മദ്യ വിരുദ്ധ സമിതി സംസ്ഥാന വക്താവ് അഡ്വ ചാർളി പോൾ , സിസ്റ്റർ ഡോ ദിയ ജോൺ എന്നിവർ ക്ലാസുകൾ നയിച്ചു.
സമിതി മധ്യമേഖല ജനറൽ സെക്രട്ടറിയായി തെരഞ്ഞെടുക്കപ്പെട്ട ഷാജൻ പി.ജോർജിനെ ചടങ്ങിൽ പൊന്നാട അണിയിച്ച് ആദരിച്ചു.
അതിരൂപതാ ഡയറക്ടർ ഫാ. അഗസ്റ്റിൻ ബൈജു കുറ്റിക്കൽ ,ഫാ നിബിൻ കുര്യാക്കോസ്, എം.വി.ജോർജ് മാക്കാ പറമ്പിൽ ,ജോർജ് മുല്ലോത്ത്, രാജു എന്നിവർ പ്രസംഗിച്ചു. അറുന്നൂറോളം വിദ്യാർത്ഥികളും അവരുടെ മാതാപിതാക്കളും സെമിനാറിൽ പങ്കെടുത്തു.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
