വിശുദ്ധ അൽഫോൻസാമ്മയുടെ സ്വർഗ്ഗ പ്രവേശനത്തിൻറെ 78-ാം പിറന്നാൾ
2024 ജൂലായ് 19 മുതൽ 28 വരെ
ഭരണങ്ങാനം: വിശുദ്ധ അൽഫോൻസാമ്മയുടെ സ്വർഗ്ഗ പ്രവേശനത്തിൻറെ 78-ാം പിറന്നാൾ ആഘോഷം 2024 ജൂലായ് 19 മുതൽ 28 വരെ ഭക്തിപൂർവ്വം ആഘോഷിക്കുന്നു. പത്തു ദിവസം നീണ്ടുനിൽക്കുന്ന തിരുനാൾ ആഘോഷങ്ങൾ 19-ാം തീയതി രാവിലെ 11.15 ന് പാലാ രൂപതാദ്ധ്യക്ഷൻ മാർ ജോസഫ് കല്ലറങ്ങാട്ട് കൊടി ഉയർത്തുന്നതോടെ ആരംഭിക്കും. ചങ്ങനാശ്ശേരി അതിരൂപതാ മെത്രാപ്പോലീത്ത മാർ ജോസഫ് പെരുന്തോട്ടവും പാലാ രൂപത ബിഷപ് എമരിറ്റസ് മാർ ജോസഫ് പള്ളിക്കാപ്പറമ്പിലും രൂപതാ വികാരി ജനറാൾ മോൺ. ജോസഫ് തടത്തിലും മറ്റ് വികാരി ജനറാൾമാരും തദവസരത്തിൽ സന്നിഹിതരായിരിക്കും.
ജൂലൈ 19 തുടങ്ങി 28 വരെയുള്ള തിരുനാൾ ദിവസങ്ങളിൽ സീറോ മലബാർ സഭയുടെ മേജർ ആർച്ച് ബിഷപ് മാർ റാഫേൽ തട്ടിൽ, സീറോ മലങ്കര സഭയുടെ മേജർ ആർച്ച് ബിഷപ് മോറൻ മോർ ബസേലിയോസ് കർദ്ദിനാൾ ക്ലിമീസ് കാതോലിക്കാ ബാവ, സീറോ മലബാർ മേജർ ആർച്ച് ബിഷപ് എമിരിറ്റസ് കർദ്ദിനാൾ മാർ ജോർജ് ആലഞ്ചേരി, ചങ്ങനാശ്ശേരി ചങ്ങനാശ്ശേരി അതിരൂപതാ മെത്രാപ്പോലീത്ത മാർ ജോസഫ് പെരുന്തോട്ടം, കോതമംഗലം രൂപതാദ്ധ്യക്ഷൻ മാർ ജോർജ് മഠത്തിക്കണ്ടം, താമരശ്ശേരി രൂപതാദ്ധ്യക്ഷൻ മാർ റെമിജിയൂസ് ഇഞ്ചനാനിയിൽ, കാഞ്ഞിരപ്പള്ളി രൂപതാദ്ധ്യക്ഷൻ മാർ ജോസ് പുളിക്കൽ, കാഞ്ഞിരപ്പള്ളി രൂപതാ ബിഷപ് എമിരിറ്റസ് മാർ മാത്യു അറയ്ക്കൽ, അദില ബാദ് രൂപതാദ്ധ്യക്ഷൻ മാർ പ്രിൻസ് പാണേങ്ങാടൻ, സീറോ മലബാർ കൂരിയാ ബിഷപ് മാർ സെബാസ്റ്റ്യൻ വാണിയപ്പുരയ്ക്കൽ, വിജയപുരം സഹായ മെത്രാൻ മാർ ജസ്റ്റിൻ മഠത്തിപ്പറമ്പിൽ, ചങ്ങനാശേരി അതിരൂപത സഹായ മെത്രാൻ മാർ തോമസ് തറയിൽ എന്നിവർ വിശുദ്ധ കുർബാന അർപ്പിച്ച് സന്ദേശം നല്കും.
26-ാം തീയതി വെള്ളിയാഴ്ച ഭരണങ്ങാനത്ത് വച്ച് പാലാ രൂപതയുടെ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനം നടക്കുകയാണ്. പാലാ രൂപത സ്ഥാപിതമായിട്ട് എഴുപത്തിയഞ്ച് വർഷങ്ങൾ പൂർത്തിയാവുകയാണ് 2025-ൽ. ഒരു വർഷം നീണ്ടു നിൽക്കുന്ന വിപുലമായ പ്രോഗ്രാമുകളാണ് രൂപത ജൂബിലി വർഷത്തിൽ പ്ലാൻ ചെയ്തിരിക്കുന്നത്. ജൂബിലിയുടെ ഔദ്യോഗിക ഉദ്ഘാടനം 26-ാം തീയതി വെള്ളിയാഴ്ച ഉച്ചകഴിഞ്ഞ് 3 മണിക്ക് സീറോ മലബാർ സഭ മേജർ ആർച്ച് ബിഷപ് മാർ റാഫേൽ തട്ടിൽ നിർവ്വഹിക്കും. ബിഷപ്പുമാരായ മാർ ജോസഫ് കല്ലറങ്ങാട്ട്, മാർ ജോസഫ് പള്ളിക്കാപ്പറമ്പിൽ, മാർ മാത്യു അറയ്ക്കൽ, മാർ ജോസഫ് കൊല്ലംപറമ്പിൽ എന്നിവരും തദവസരത്തിൽ സന്നിഹിതരാവുന്നതാണ്. അഭിവന്ദ്യ പിതാക്കന്മാരോടൊപ്പം രൂപതയിലെ 400 വൈദികരും, സന്യാസഭവനാംഗങ്ങളായ വൈദികരും വിശുദ്ധ കുർബാനയിൽ സഹകാർമ്മികരായിരിക്കും. രൂപതയിലെ എല്ലാ പള്ളികളിൽ നിന്നുമുള്ള പ്രതിനിധികൾ, സമർപ്പിത സമൂഹങ്ങളുടെ പ്രതിനിധികൾ, ഇടവകാംഗങ്ങൾ എന്നിവർ പങ്കെടുക്കുന്ന വിപുലമായ പ്രോഗ്രാമാണ് ജൂബിലി ഉദ്ഘാടനം.
ജൂലൈ 27-ന് ഉച്ചകഴിഞ്ഞ് 2.30-ന് ശ്രവണ പരിമിതർക്ക് പ്രത്യേക വിശുദ്ധ കുർബാനയും ഉണ്ടായിരിക്കും. ജൂലൈ 27-ാം തീയതി വൈകുന്നേരം 6.30-ന് ഇടവക ദൈവാലയത്തിൽ നിന്നും അൽഫോൻസാമ്മ ജീവിച്ച്, മരിച്ച മഠത്തിലേയ്ക്ക് ആഘോഷമായ മെഴുകുതിരി പ്രദക്ഷിണം നടത്തും. വിൻസെൻഷ്യൻ പ്രോവിൻഷ്യൽ റവ. ഡോ. മാത്യു കക്കാട്ടുപിള്ളിൽ വി.സി. തിരുനാൾ സന്ദേശം നൽകും.
പ്രധാന തിരുനാൾ ദിവസമായ ജൂലൈ 28 ന് രാവിലെ പാലാ രൂപതാ ബിഷപ് എമിരിറ്റസ് മാർ ജോസഫ് പള്ളിക്കാപ്പറമ്പിൽ നേർച്ചയപ്പം വെഞ്ചരിക്കും. തുടർന്ന് 7 മണിക്ക് പാലാ രൂപതാദ്ധ്യക്ഷൻ മാർ ജോസഫ് കല്ലറങ്ങാട്ട് കബറിടത്തിൽ ആഘോഷമായ വിശുദ്ധ കുർബാനയർപ്പിക്കും. ഇടവകദേവാലയത്തിൽ അന്നുരാവിലെ 10.30 ന് സീറോ മലബാർ മേജർ ആർച്ച് ബിഷപ് എമിരിറ്റസ് കർദ്ദിനാൾ മാർ ജോർജ് ആലഞ്ചേരി റാസ അർപ്പിച്ച് തിരുനാൾ സന്ദേശം നൽകും. തുടർന്ന് ആഘോഷമായ തിരുനാൾ പ്രദക്ഷിണം.
തിരുനാളിൻറെ എല്ലാ ദിവസങ്ങളിലും രാവിലെ 5.30, 6.45, 8.30, 10, 11.30, ഉച്ചകഴിഞ്ഞ് 2.30, 4, 5, 7 എന്നീ സമയങ്ങളിലായി ഒൻപത് വിശുദ്ധ കുർബ്ബാനകൾ തീർത്ഥാടനകേന്ദ്രം ദൈവാലയത്തിലുണ്ടായിരിക്കും. രാവിലെ 11.30നുള്ള വിശുദ്ധ കുർബാന അഭിവന്ദ്യ പിതാക്കന്മാരുടെ കാർമ്മികത്വത്തിലായിരിക്കും. എല്ലാ ദിവസവും വൈകുന്നേരം 6.15-ന് ഭക്തിനിർഭരമായ ദീപക്കാഴ്ചകളുമായി ആയിരക്കണക്കിനു വിശ്വാസികൾ ജപമാല പ്രാർത്ഥനയും നടത്തും.
തിരുനാളിൻറെ സുഗമമായ നടത്തിപ്പിന് പള്ളി കമ്മറ്റി അംഗങ്ങളും ഷ്‌റൈനിലെ നൂറ്റിയൊന്നംഗ വോളൻ്റിയേഴസും . പ്രവർത്തന സജ്ജമായിട്ടുണ്ട്. പൊതുജനങ്ങൾക്ക് വാഹനങ്ങൾ പാർക്ക് ചെയ്യുന്നതിനും, സാമൂഹ്യവിരുദ്ധരിൽ നിന്നും സംരക്ഷണത്തിനും വേണ്ട എല്ലാ കാര്യങ്ങളും സിവിൽ അധികാരികളുടെയും പോലീസ് ഉദ്യോഗസ്ഥരുടെയും സമ്പൂർണ്ണ സഹായം ലഭ്യമാക്കിയിട്ടുണ്ട്.
തിരുനാളിനു ഒരുക്കമായി അൽഫോൻസാമ്മയുടെ കബറിടത്തലേക്ക് വിവിധ ഇടവകകളിലേയും ഭക്തസംഘടനകളുടെയും നേതൃത്വത്തിൽ തീർത്ഥാടകർ എത്തിത്തുടങ്ങി. തീര്ർത്ഥാടകരം സ്വീകരിക്കാനുള്ള എല്ലാ ഒരുക്കളും നടത്തിക്കഴിഞ്ഞു. ജൂലൈ 16-ന് രാവിലെ 9.30-ന് പാലാ രൂപതയിലെ മാതൃവേദിയുടെ നേതൃത്വത്തിൽ ഭരണങ്ങാനത്തേക്ക് തീർത്ഥാടനവും ജപമാലറാലിയും നടത്തും. 19-ന് വൈകുന്നേരം 6.15-ന് പാലാ രൂപത എസ്.എം.വൈ.എം. ജപമാല പ്രദക്ഷിണത്തിന് നേതൃത്വം കൊടുക്കും. 21-ന് ഉച്ചകഴിഞ്ഞ് 2.30-ന് ചെങ്ങളം സെൻറ് ആൻറെണീസ് ഇടവക കാൽനടയായി തീർത്ഥാടനം നടത്തും. 25-ന് ഉച്ചകഴിഞ്ഞ് ഫ്രാൻസിസ്കൻ അല്മായ സഭ തീർത്ഥാടനം നടത്തും
തിരുനാളിന് ഒരുക്കമായി ദൈവാലയത്തിൻറെ മദ്ബഹാ നവീകരിച്ചു കൂദാശ ചെയ്തു. നവീകരിച്ച മനോഹരമായ അൾത്താരയിലായിരിക്കും തിരുനാൾ ദിവസങ്ങളിൽ വിശുദ്ധ കുർബാന അർപ്പിക്കുക.
പത്രസമ്മേളനത്തിൽ ഷ്റൈൻ റെക്ടർ റവ. ഡോ. അഗസ്റ്റിൻ പാലയ്ക്കാപ്പറമ്പിൽ, ഫൊറോന വികാരി വെരി. റവ. ഫാ. സഖറിയാസ് ആട്ടപ്പാട്ട്, തീർത്ഥാടനകേന്ദ്രം അഡ്മിനിസ്ട്രേറ്റർ റവ. ഫാ. ഗർവ്വാസിസ് ആ നിത്തോട്ടം, വൈസ് റെക്ടർ റവ. ഫാ. ആൻറെണി തോണക്കര എന്നിവർ പത്രസമ്മേളനത്തിൽ സംബന്ധിച്ചു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
