പാലാരിവട്ടം: അഖില കേരള കത്തോലിക്കാ ജാഗ്രത സമിതിയുടെ നേതൃത്വത്തിൽ നടത്തപെടുന്ന ദ്വിദിന സെമിനാറും ജാഗ്രത ദിനാഘോഷവും ജൂൺ 23,24 തീയതികളിൽ പാലാരിവട്ടം പിഒസിയിൽവെച്ചു നടത്തും. ജൂൺ 23 ശനിയാഴ്ച്ച രാവിലെ 10 മണിക്ക് വരാപ്പുഴ മെത്രാപ്പോലീത്ത ആർച്ച് ബിഷപ്പ് ജോസഫ് കളത്തിപ്പറമ്പിൽ ഉദ്‌ഘാടനം ചെയ്യുന്ന ചടങ്ങിൽ ജോസഫ് ജൂഡ് (ലാറ്റിൻ പി.ആർ.ഒ.) ഫാ. ആന്റണി വടക്കേക്കര വി.സി. (സിറോമലബാർസഭ പി.ആർ.ഒ.), ഫാ. ബോവാസ് മാത്യു (മലങ്കര പി.ആർ.ഒ.) എന്നിവർ ആശംസകൾ അറിയിക്കും. തുടർന്ന് 3 വിഷയങ്ങളിലായി ക്ലാസ്സുകളും ചർച്ചകളും നടക്കും.
ജൂൺ 24 ന് രാവിലെ 10 മണിക്ക് അഭിവന്ദ്യ ബിഷപ്പ് യൂഹാനോൻ മാർ തെയഡോഷ്യസ് പിതാവ് ഐക്യ ജാഗ്രത ദിനാചരണം ഉദ്‌ഘാടനം ചെയ്യും. തുടർന്ന് വിവിധ മതങ്ങളിൽ നിന്നുള്ള പണ്ഡിതർ സംസാരിക്കുന്ന ”മതങ്ങളും സാമൂഹിക ഐക്യവും: കേരളത്തിലെ യാഥാർത്ഥ്യങ്ങളും വെല്ലുവിളികളും” എന്ന വിഷയത്തിൽ പൊതു സെമിനാർ നടക്കും. ഉച്ചകഴിഞ്ഞ് 3.30ന് കർദ്ദിനാൾ മാർ ജോർജ്ജ് ആലഞ്ചേരി നൽകുന്ന സമാപന സന്ദേശത്തോടെ സെമിനാർ സമാപിക്കും.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/GKf2ow9DTIBEOAhaSLrGs7
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
