പൂവരണി: 2022 സെപ്തംബർ 21ന്, പാലാ സെൻ്റ്. തോമസ് റ്റി.റ്റി.ഐ യിൽ വച്ച് നടന്ന ചെറുപുഷ്പ മിഷൻലീഗ് പാലാ മേഖല കലോത്സവത്തിൽ പൂവരണി എസ്. എച്ച്. സൺഡേ സ്കൂൾ C വിഭാഗത്തിൽ ഓവറോൾ രണ്ടാം സ്ഥാനം നേടി. ലളിതഗാനം, പ്രസംഗം, മിഷൻ ക്വിസ്, ബൈബിൾ സ്റ്റോറി ടെല്ലിങ് എന്നീ വ്യക്തിഗത ഇനങ്ങളിൽ മികച്ച വിജയം നേടാൻ കുട്ടികൾക്ക് സാധിച്ചു. റമ്പാൻപാട്ട്, സുറിയാനി ആരാധന ഗീതം, മിഷൻ ആന്തം തുടങ്ങിയ ഗ്രൂപ്പ് ഇനങ്ങളിലും കുട്ടികൾ മികവ് പുലർത്തി. മത്സരങ്ങളിൽ പങ്കെടുത്ത എല്ലാ കുട്ടികളെയും, അദ്ധ്യാപകരെയും, വിജയികളായവരെയും, പൂവരണി പള്ളി വികാരി ഫാ. മാത്യു തെക്കേൽ , സൺഡേ സ്കൂൾ ഡയറക്ടർ ഫാ. ജീമോൻ പനച്ചിക്കൽക്കരോട്ട് പ്രത്യേകം അഭിനന്ദിക്കുകയും ആശംസകൾ നേരുകയും ചെയ്തു. കുട്ടികൾക്ക് എല്ലാ പ്രോത്സാഹനവും പിന്തുണയും നൽകിയ മാതാപിതാക്കൾ, പരിശീലനം നൽകിയ സിസ്സ്റ്റേഴ്സ്, അദ്ധ്യാപകർ, ഹെഡ്മാസ്റ്റർ ശ്രീ. മനു കെ ജോസ് കൂനാനിക്കൽ എന്നിവർക്ക് സ്റ്റാഫ് സെക്രട്ടറി ഡോ. മാത്യു എബ്രഹാം മാപ്പിളക്കുന്നേൽ നന്ദി അറിയിച്ചു
