അഭിവന്ദ്യ മാർ ജോസഫ് പവ്വത്തിൽ പിതാവിന് ആദരാഞ്ജലികൾ അർപ്പിക്കാനെത്തിയ പാലാ രൂപത മുൻ മെത്രാൻ മാർ ജോസഫ് പള്ളിക്കാപ്പറമ്പിൽ പിതാവിന്റെ വാക്കുകൾ ഏറെ ഹൃദയ സ്പർശിയായിരുന്നു. ” വിശുദ്ധ ജീവിതം നയിച്ച പവ്വത്തിൽ പിതാവിനെ ‘വിശുദ്ധൻ’ എന്ന് വിളിക്കാൻ ഞാൻ ആഗ്രഹിക്കുന്നു” എന്നായിരുന്നു പള്ളിക്കാപ്പറമ്പിൽ പിതാവ് പറഞ്ഞത്.
റോമിലായിരുന്നുവെങ്കിൽ ഇപ്പോൾ കേൾക്കാമായിരുന്നു ‘സുബിത്തോ സാന്തോ’ ( ഉടൻ വിശുദ്ധനാകും എന്നർത്ഥം ). വിശുദ്ധമായ ജീവിതം നയിച്ചു കൊണ്ട് സഭക്കു വേണ്ടി സ്വയം സമർപ്പിച്ച വ്യക്തി. അദ്ദേഹം പറയുമായിരുന്നു : “മൈ ലൈഫ് ഈസ്‌ ചർച്ച്”. സീറോ മലബാർ സഭക്കു മാത്രമല്ല കേരള സഭക്കും ഭാരത സഭക്കും വേണ്ടി അദ്ദേഹം തന്റെ ജീവിതം മാറ്റി വെച്ചു.
രണ്ടു തവണ സി ബി സി ഐ പ്രസിഡന്റ്‌ ആയിരുന്നു. ലിറ്റർജി അനുഭവം, ശുശ്രുഷയും ഇവാഞ്ചലൈസേഷൻ നടത്തുന്നതിനുള്ള സൗകര്യവും എല്ലാം അനുവദിച്ചു നൽകിയതിന്റെ പിന്നിൽ പ്രവർത്തിച്ച ശക്തി മുഴുവൻ പവ്വത്തിൽ പിതാവായിരുന്നു എന്ന് പള്ളിക്കാപ്പറമ്പിൽ പിതാവ് കൂട്ടിച്ചേർത്തു.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
