പാലാ: പാലാ രൂപതയുടെ ശുശ്രൂഷാ നിരയിലേക്ക് ഇന്ന് രണ്ട് പുതിയ വൈദികർ കൂടി ചേരുന്നു. ഡീക്കൻ അലക്സ് കാഞ്ഞിരത്തുങ്കൽ, ഡീക്കൻ ജോർജ് പ്ലാത്തോട്ടത്തിൽ എന്നിവരാണ് ഇന്ന് തിരുപ്പട്ടം സ്വീകരിക്കുന്നത്.
രൂപതാധ്യക്ഷൻ മാർ ജോസഫ് കല്ലറങ്ങാട്ടിന്റെ മുഖ്യകാർമ്മികത്വത്തിൽ നടക്കുന്ന ശുശ്രൂഷകളിലാണ് ഇരുവരും പൗരോഹിത്യം സ്വീകരിക്കുന്നത്. വൈദികരും വിശ്വാസികളും ബന്ധുക്കളും പങ്കെടുക്കുന്ന ചടങ്ങുകൾ പാലാ രൂപതയിലെ നിശ്ചിത കേന്ദ്രങ്ങളിൽ വെച്ച് നടക്കും.
ദൈവവിളിയുടെയും സമർപ്പണത്തിന്റെയും പാതയിൽ വർഷങ്ങൾ നീണ്ട പരിശീലനം പൂർത്തിയാക്കിയാണ് ഇരുവരും വൈദിക ശുശ്രൂഷയിലേക്ക് പ്രവേശിക്കുന്നത്. പുതിയ വൈദികർക്ക് വിപുലമായ സ്വീകരണ ചടങ്ങുകളാണ് ബന്ധപ്പെട്ട ഇടവകകളിൽ ഒരുക്കിയിരിക്കുന്നത്.
