അരുവിത്തുറ : ലോകവനിതാദിനത്തോടനുബന്ധിച്ച് എസ്.എം.വൈ.എം അരുവിത്തുറ ബി-യൂണിറ്റ് അംഗങ്ങളുടെ നേതൃത്വത്തിൽ കുരിശുമേന്തി വനിതകൾ വല്യച്ചൻമല കുരിശിന്റെ വഴിയിൽ പങ്കാളികളായി.കുരിശിന്റെ വഴി ആരംഭം മുതൽ അവസാനം വരെ വനിതകൾ കുരിശും പിടിച്ചുകൊണ്ട് കുരിശിന്റെ വഴിക്ക് നേതൃത്വം നൽകി.
എസ്. എം. വൈ. എം നോടൊപ്പം മാതാപിതാക്കളും കുട്ടികളും മതാദ്ധ്യാപകരും കുരിശുമേന്തി വാർഡ് 4,5,6 അംഗങ്ങളും കുരിശിന്റ വഴിയിൽ പങ്കാളികളായി.വൈകിട്ട് 4 കുർബാനക്കുശേഷം ജപമാല പ്രദക്ഷിണവുമായി അരുവിത്തുറ പള്ളിയിൽ നിന്ന് ആരംഭിച്ച് വല്യച്ചൻ മല അടിവാരത്ത് എത്തുകയും തുടർന്ന് അടിവാരത്ത് കുരിശിന്റവഴിക്ക് ഫാ. ഫ്രാൻസിസ് കുമ്പളാനിക്കൽ സന്ദേശം നൽകി. അരുവിത്തുറ പള്ളി വികാരി ഫാ. ആഗസ്റ്റിൻ പാലയ്ക്കാപ്പറമ്പിൽ, എസ്.എം.വൈ.എം അരുവിത്തുറ യൂണിറ്റ് ഡയറക്ടർ ഫാ. ഡിറ്റോ തൊട്ടത്തിൽ,അസി. വികാരി ഫാ. ജോസഫ് മൂക്കൻതോട്ടത്തിൽ എന്നിവർ കുരിശിന്റെ വഴിക്ക് നേതൃത്വം നൽകി.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
