തന്റെ ജീവിതത്തിൽ ഏറ്റവും സുപ്രധാനം ക്രൈസ്തവ വിശ്വാസം; മാർക്ക് വാൽബെർഗ്

തന്റെ ജീവിതത്തിൽ ഏറ്റവും സുപ്രധാനം ക്രൈസ്തവ വിശ്വാസം; വിഭൂതി ദിനത്തില്‍ നെറ്റിയില്‍ കുരിശ് വരച്ച് ഹോളിവുഡ് താരം മാർക്ക് വാൽബെർഗിന്റെ അഭിമുഖം

വാഷിംഗ്ടണ്‍ ഡി‌സി: തന്റെ കത്തോലിക്ക വിശ്വാസം പരസ്യമായി പ്രഘോഷിച്ച് ശ്രദ്ധ നേടിയ പ്രശസ്ത ഹോളിവുഡ് താരം മാർക്ക് വാല്‍ബെര്‍ഗിന്റെ പുതിയ അഭിമുഖം സമൂഹ മാധ്യമങ്ങളില്‍ തരംഗമാകുന്നു. തന്റെ ജീവിതത്തിൽ ഏറ്റവും സുപ്രധാനമായത് ക്രൈസ്തവ വിശ്വാസമാണെന്നു എൻബിസി ചാനലിന്റെ ‘ടുഡേ’ എന്ന പരിപാടിയില്‍ അദ്ദേഹം പ്രഖ്യാപനം നടത്തി. നെറ്റിയിൽ ചാരം പൂശിയാണ് വിഭൂതി തിരുനാൾ ദിനത്തില്‍ ചാനല്‍ സ്റ്റുഡിയോയിലേക്ക് അദ്ദേഹം എത്തിച്ചേര്‍ന്നത്. ഹോളിവുഡിൽ വിശ്വാസം എന്നത് വലിയ ജനപ്രീതിയുള്ള കാര്യമല്ലായെന്നും എന്നാല്‍ തന്റെ വിശ്വാസത്തെ തള്ളിപ്പറയാൻ താന്‍ ഒരുക്കമല്ലെന്ന് അദ്ദേഹം കൂട്ടിച്ചേർത്തു.