കാഞ്ഞിരപ്പള്ളി: വിശ്വാസത്തിന്റെ ബന്ധമാണ് പാസ്റ്ററൽ കൗൺസിലിന്റെ അടിസ്ഥാനം. ഈ ബന്ധത്തിലടിയുറച്ച കൂട്ടായ്മ സമൂഹനന്മയ്ക്ക് കാരണമാകുമെന്ന് കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ പറഞ്ഞു. അമൽ ജ്യോതി കോളേജ് ഓഡിറ്റോറിയത്തിൽ ചേർന്ന രൂപതയുടെ 12-ാം പാസ്റ്ററൽ കൗൺസിൽ ദ്വിദിനസമ്മേളനത്തിൽ സമാപനസന്ദേശം നൽകുകയായിരുന്നു അദ്ദേഹം.
രൂപതയിലെ വിവിധ ഡിപ്പാർട്ട്മെന്റുകളുടെ പ്രവർത്തനപരിപാടികളും പദ്ധതികളും സമ്മേളനത്തിൽ അവതരിപ്പിച്ചു. വിവിധ കമ്മീഷനുകളുടെ ചെയർമാന്മാരും സെക്രട്ടറിമാരുമായി യഥാക്രമം ഫാ.തോമസ് കുന്നത്തുപുരയിടം, ഫാ.സെബാസ്റ്റ്യൻ പെരുനിലം, ഫാ.ഡോമിനിക് അലയൂപ്പറമ്പിൽ, ഫാ. സ്റ്റാൻലി പുള്ളോലിക്കൽ, ഫാ.ജോൺ മതിയത്ത്, ഫാ. കുര്യാക്കോസ് വടക്കേടത്ത്, ഫാ. സെബാസ്റ്റ്യൻ കൊല്ലംകുന്നേൽ, ഫാ. ഫിലിപ്പ് തടത്തിൽ, ബേബി കണ്ടത്തിൽ, ഡോ.ജോസ് കല്ലറയ്ക്കൽ, സിജോ പുത്തനങ്ങാടി, വി.ജെ.തോമസ് വെള്ളാപ്പള്ളി, റെജി ജോസഫ് പുല്ലുതുരുത്തിയിൽ, കെ.സി.എബ്രാഹം കുമ്പുക്കൽ, ഡോ.സാജു കൊച്ചുവീട്ടിൽ, വർഗീസ് പുതുപ്പറമ്പിൽ എന്നിവർ തെരഞ്ഞെടുക്കപ്പെട്ടു.
അല്മായരുടെ സഭയിലുള്ള പങ്കാളിത്തത്തെക്കുറിച്ച് കെസിബിസി അല്മായ കമ്മീഷൻ സെക്രട്ടറി ഡോ.കെ.എം.ഫ്രാൻസീസ് ക്ലാസ്സുകൾ നയിച്ചു. വികാരിജനറാളും ചാൻസലറുമായ റവ.ഡോ.കുര്യൻ താമരശ്ശേരി, പ്രോട്ടോ സിഞ്ചെല്ലൂസ് റവ.ഡോ.ജോസഫ് വെള്ളമറ്റം, വികാരി ജനറാൾ റവ.ഫാ. ബോബി അലക്സ് മണ്ണംപ്ലാക്കൽ, പ്രൊക്യൂറേറ്റർ ഫാ ഫിലിപ്പ് തടത്തിൽ, റവ.ഫാ.മാത്യു പായിക്കാട്ട്, പാസ്റ്ററൽ കൗൺസിൽ സെക്രട്ടറി ഡോ.ജൂബി മാത്യു തുടങ്ങിയവർ സമ്മേളനത്തിന് നേതൃത്വം നൽകി.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
